ယူဂိုဆလားဗီးယား သင်ခန်းစာ၊ မာဖီးယားဂိုဏ်းတွေရဲ့ အန္တရာယ်နဲ့ ကျနော်တို့နိုင်ငံရဲ့ ထွက်ပေါက်

မင်္ဂလာပါ မိတ်ဆွေတို့။ အားလုံးလည်း မြင်တဲ့အတိုင်းပဲ... အခုချိန်မှာ ကျနော်တို့မြန်မာပြည်မှာ နိုင်ငံရေး၊ စစ်ရေး အခြေအနေတွေက တော်တော်လေး ရှုပ်ထွေးနေတယ်။ ဒါပေမယ့် ဒီနောက်ကွယ်မှာ တိုင်းပြည်အတွက် တကယ့်ကို အန္တရာယ်ကြီးတဲ့ "လူမျိုးစွဲ၊ ဒေသစွဲ" ဆိုတဲ့ ပုန်ကန်ထကြွမှုတွေရယ်၊ အဲ့ဒီကနေ ပေါက်ဖွားလာတဲ့ မူးယစ်ရာဇာ ရာဇဝတ်ဂိုဏ်းတွေလို မာဖီးယားဂိုဏ်းတွေအကြောင်းကို ကျနော် သေသေချာချာလေး ပြောပြချင်တယ်။

ကျနော်တို့တွေ နေ့တိုင်း သတင်းတွေ ဖတ်နေကြတာပဲ။ ဟိုမှာတိုက်ပွဲ‌ေတွ ဖြစ်ပြန်ပြီ၊ ဒီဘက်မှာလည်းစစ်ပွဲ‌ေတွနဲ့ပေါ့ဗျာ။ ဒါပေမယ့် ဒီလမ်းစဉ်အတိုင်းသာ ဆက်သွားနေရင် ကျနော်တို့ တိုင်းပြည် ဘာဖြစ်သွားနိုင်လဲ။ သမိုင်းမှာ တကယ်ပဲ အဲ့ဒီလိုမျိုး အဖြစ်ဆိုးနဲ့ ကြုံခဲ့ရတဲ့ နိုင်ငံတစ်ခု ရှိခဲ့ဖူးပါတယ်။ အဲ့ဒါကတော့ ဥရောပက ယူဂိုဆလားဗီးယား (Yugoslavia) နိုင်ငံပါပဲ။

**(Section 1 - ယူဂိုဆလားဗီးယား သင်ခန်းစာ)**

**[အနည်းငယ် လေးနက်တဲ့ မျက်နှာထားနဲ့ ရှင်းပြပါ]**

ကမ္ဘာ့သမိုင်းကို နည်းနည်းလေး ပြန်ကြည့်ရအောင်ဗျာ။ ယူဂိုဆလားဗီးယားဆိုတာ တစ်ချိန်က ဥရောပမှာ တော်တော်လေး အင်အားကြီးပြီး စည်းလုံးတဲ့ နိုင်ငံကြီးတစ်ခုပါ။ လူမျိုးစုတွေ အများကြီး စုပေါင်းနေထိုင်ကြတယ်။ ဒါပေမယ့် ၁၉၉၀ ပြည့်လွန်နှစ်တွေလောက် ရောက်တော့ ဘာ‌ေတွဖြစ်လာလဲဆိုတော့ "ငါ့လူမျိုးမှ ငါ့လူမျိုး၊ ငါ့ဒေသမှ ငါ့ဒေသ" ဆိုတဲ့ အစွန်းရောက် လူမျိုးရေးဝါဒတွေ၊ ဒေသစွဲတွေ ခေါင်းထောင်လာကြတယ်။

ခေါင်းဆောင်တွေကလည်း အဲ့ဒီ လူမျိုးစွဲကိုပဲ လက်နက်လုပ်ပြီး ကိုယ့်လူမျိုး ကိုယ်ပိုင်အုပ်ချုပ်ခွင့်ရဖို့အတွက်ဆိုပြီး လက်နက်ကိုင် လမ်းစဉ်တွေကို ရွေးခဲ့ကြတယ်။ ရလဒ်က ဘာဖြစ်သွားကြလဲ။ အရင်က အိမ်နီးချင်းတွေ၊ မိတ်ဆွေတွေကအစ ရန်သူတွေဖြစ်၊ ရက်ရက်စက်စက် အချင်းချင်းသတ်ဖြတ်ကြတဲ့ ပြည်တွင်းစစ်ကြီး ဖြစ်သွားတာပဲ။ လူမျိုးတုံး သတ်ဖြတ်မှုတွေအထိပါ ဖြစ်ခဲ့တာဗျ။ နောက်ဆုံးတော့ ယူဂိုဆလားဗီးယားဆိုတဲ့ နိုင်ငံကြီးဟာ အစိတ်စိတ်အမွှာမွှာ ကွဲထွက်သွားပြီး နိုင်ငံငယ်လေးတွေ အများကြီး ဖြစ်သွားတယ်။ ပြည်သူတွေကတော့ အိုးမဲ့အိမ်မဲ့နဲ့ ဒုက္ခပင်လယ် ဝေခဲ့ရတာပေါ့။

ကျနော် အခု ဒီအကြောင်းကို ဘာလို့ ပြောနေရလဲဆိုတော့၊ အခု ကျနော်တို့ဆီမှာ ဖြစ်နေတဲ့ ပုံစံက အဲ့ဒီ ယူဂိုဆလားဗီးယား ပြိုကွဲခါနီး အချိန်က ပုံစံမျိုးနဲ့ သွားပြီး ဆင်တူနေလို့ပါပဲ။ "ငါတို့ ပြည်နယ်၊ ငါတို့ လူမျိုး" "ဖက်ဒရယ် နဲ့ တန်းတူရေး "ဆိုတဲ့ ခေါင်းစဉ်တွေအောက်မှာ လက်နက်ကိုင် သောင်းကျန်းသူတွေက နယ်မြေတွေ ခွဲဝေယူချင်လာကြတယ်။ ဒါဟာ ကျနော်တို့ ပြည်ထောင်စုကြီး ပြိုကွဲဖို့အတွက် အရမ်းကို အန္တရာယ်များတဲ့ လမ်းစပါပဲ။

"ဒီလို ပြည်ထောင်စုကြီး ပြိုကွဲမယ့် အန္တရာယ်ကို ကာကွယ်ဖို့ဆိုရင်၊ နိုင်ငံတော်အစိုးရနဲ့ တပ်မတော်အနေနဲ့ ခွဲထွက်ချင်နေတဲ့သူတွေနဲ့၊ ကိုယ်ပိုင်နိုင်ငံအသစ် ထူထောင်ချင်နေတဲ့ လက်နက်ကိုင် အဖွဲ့အစည်းတွေကို ဒီအတိုင်း လျှော့ပေးပြီး လက်ပိုက်ကြည့်နေလို့ လုံးဝ မရတော့ပါဘူး။ တိုင်းပြည်တစ်ခုရဲ့ အချုပ်အခြာအာဏာဆိုတာ စကားလုံးလှလှလေးတွေနဲ့ချည်း ကာကွယ်လို့မရဘူးဗျ။ တိကျပြတ်သားတဲ့ နိုင်ငံရေး၊ စစ်ရေး အင်အားတွေနဲ့ပဲ ထိန်းသိမ်းနိုင်တာပါ။ ဒါကြောင့် ကျနော်တို့ ပြည်ထောင်စု ကျနော်တို့တိုင်းပြည်ကို အစိတ်စိတ်အမွှာမွှာ ခွဲပစ်ဖို့ ကြံစည်နေတဲ့ ဒီလို ခွဲထွက်ရေးသမားတွေကို အမြစ်ပြတ် ချေမှုန်းနိုင်မယ့် ပြတ်သားတဲ့ စစ်ဆင်ရေးတွေ အမြန်ဆုံး ဖော်ဆောင်ပေးဖို့ ကျနော်အနေနဲ့ အလေးအနက် တောင်းဆိုချင်ပါတယ်။

တချို့က ထင်ကြလိမ့်မယ်၊ ကျနော်က စစ်တိုက်ခိုင်းနေတာလား၊ သွေးထွက်သံယို ဖြစ်အောင် မြှောက်ပင့်ပေးနေတာလား‌ေပါ့။ တကယ်တော့ လုံးဝ မဟုတ်ပါဘူးဗျာ။တကယ့် လက်တွေ့ မြေပြင်အခြေအနေကို သေသေချာချာ သုံးသပ်ကြည့်ပါ။ သမိုင်းမှာလည်း ခေါင်းဆောင်‌ေကာင်းတွေ ကျင့်သုံးခဲ့တဲ့ သာဓကတွေ အများကြီးရှိပါတယ်။ သူတို့အနေနဲ့ လက်နက်ကိုင်ပြီး အကြမ်းဖက်နေသရွေ့၊ ပြည်သူတွေကို ဒုက္ခပေးနေသရွေ့ ဘာရလဒ်မှ ထွက်လာမှာ မဟုတ်ဘူးဆိုတာကို သေသေချာချာ သဘောပေါက်သွားအောင် လက်တွေ့ ပြသဖို့ လိုနေပါပြီ။ လက်နက်ကိုင်တဲ့ တော်လှန်ပုန်ကန်သူပုန်နည်းလမ်းနဲ့ ဘယ်တော့မှ အောင်ပွဲမရနိုင်ဘူးဆိုတာကို အကြမ်းဖက်သမားတွေနဲ့လူမျိုးစုလက်နက်ကိုင်တွေရဲ့ အရိုးထဲစွဲသွားအောင် သိဖို့လိုတယ်။

ဒါမှသာ သူတို့အနေနဲ့ ငြိမ်းချမ်းရေး စားပွဲဝိုင်းကို မဖြစ်မနေ လာရတော့မယ်၊ တကယ့် စစ်မှန်တဲ့ ငြိမ်းချမ်းရေး လမ်းစဉ်ကို လျှောက်လှမ်းလာရတော့မယ် ဆိုတာမျိုးဖြစ်အောင် စစ်ရေးအရ အပြင်းအထန် ဖိအားပေးဖို့ လိုအပ်နေတာပါ။ ဒီနေရာမှာ အဓိကပြောချင်တာက အောင်မြင်တဲ့ ငြိမ်းချမ်းရေး ရေရှည်တည်တံ့တဲ့ငြိမ်းချမ်း‌ေရးဆိုတာ အားနည်းချက်တွေ၊ အလျှော့ပေးမှုတွေပေါ်မှာ တည်ဆောက်လို့မရပါဘူး။ ပြတ်သားတဲ့ စည်းမျဉ်းနဲ့ ခိုင်မာတဲ့ စစ်အင်အားရှိမှ ရတာပါ။ 

ဒါကြောင့် တိုင်းပြည် မပြိုကွဲဖို့နဲ့ ပြည်သူတွေ ရေရှည် အေးချမ်းသာယာဖို့အတွက် တခါတလေမှာ ခါးသီးပေမယ့် ပြတ်သားတဲ့ စစ်ရေးလုပ်‌ေဆာင်ချက်တွေကို မလွှဲမရှောင်သာ လုပ်ရပါလိမ့်မယ်။ ဒါဟာ တိုင်းပြည်ရဲ့ ရေရှည်အကျိုးစီးပွားကို ကြည့်ပြီး အမုန်းခံပြီး တောင်းဆိုနေတာပါ ။"

**(Section 2 - မူးယစ်ရာဇာနဲ့ မာဖီးယားဂိုဏ်းများ၏ အန္တရာယ်)**

**[လေသံကို နည်းနည်းမြှင့်ပြီး၊ ပြတ်ပြတ်သားသားနဲ့ ဒေါသသံ အနည်းငယ်စွက်ကာ ပြောပါ]**

ဒီထက် ပိုဆိုးတဲ့ နောက်ကွယ်က အမှန်တရားတစ်ခုကို ကျနော် တို့ ဆက်ပြောပြမယ်။ တချို့က ထင်ကြတယ်၊ လက်နက်ကိုင်တယ်ဆိုတာ ကိုယ့်လူမျိုး လွတ်မြောက်ရေးအတွက်၊ လူ့အခွင့်အရေးအတွက်လို့ ထင်နေကြတယ်။ တကယ်တမ်း မြေပြင်မှာ ဖြစ်နေတာကတော့ အဲ့ဒီလောက် ရိုးရှင်းမနေဘူးဗျ။

လက်နက်ကိုင် အဖွဲ့အစည်းတွေ အရမ်းများလာတဲ့အခါ ဘာဖြစ်လာလဲ။ အဲ့ဒီ လက်နက်ကိုင်တွေကို ရပ်တည်ဖို့ ငွေလိုတယ်။ အဲ့ဒီငွေကို ဘယ်ကရှာလဲ။ အားလုံးသိကြလား ။ အလွယ်ဆုံးနဲ့ အမြတ်အများဆုံးက မူးယစ်ဆေးဝါးပဲဗျ။ တချို့တွေကတော့ ကောင်းကောင်းကြီးကြပါတယ် ။ အခုဆိုရင် တိုင်းရင်းသားလူမျိုးစုလက်နက်ကိုင်တွေ အားကောင်းတဲ့ နယ်စပ်ဒေသတွေမှာ ဘိန်းစိုက်ပျိုးမှုတွေက အရင်ကထက် အများကြီး ပိုများလာပါတယ်။ မူးယစ်ဆေးဝါး ထုတ်လုပ်မှုတွေ၊ မှောင်ခို ဈေးကွက်တွေဆိုတာ အဆမတန်ကို ကြီးထွားလာနေတာလည်း အားလုံးသိပြီးသား ဖြစ်မှာပါ ။

ဒါဟာ နိုင်ငံရေးအရ တော်လှန်မှု မဟုတ်တော့ဘူးဗျ။ ရာဇဝတ်မှု သက်သက် ဖြစ်လာပြီ။ လက်နက်ကိုင် ခေါင်းဆောင်တချို့ဆိုရင် နိုင်ငံတကာက မူးယစ်ရာဇာတွေ၊ရာဇဝတ်ဂိုဏ်းခေါင်းဆောင်တွေ မာဖီးယား ဂိုဏ်းချုပ်ကြီးတွေလို စံအိမ်ကြီးတွေနဲ့ တောရိုင်းတိရစ္ဆန်တွေအထိ မွေးပြီး ဇိမ်ကျနေကြတာ။ သူတို့ရဲ့ နယ်မြေတွေမှာ လောင်းကစားရုံတွေ၊ ငွေကြေးခဝါချတဲ့ လုပ်ငန်းတွေ၊ လူကုန်ကူးမှုတွေကို လက်နက်အားကိုးနဲ့ ဗြောင်ကျကျ လုပ်လာကြတယ်။ ဒါတွေကို ဆိုရှယ်မီဒိယာသုံးတဲ့လူတိုင်း သိပြီးသားတွေပါ ။

ဒီတော့ ခံရတာ ဘယ်သူတွေလဲ။ ကျနော်တို့ ပြည်သူတွေပဲပေါ့ဗျာ။ အောက်ခြေက အသက်မပြည့်သေးတဲ့လူငယ်လေးတွေက မူးယစ်ဆေးဝါး သားကောင်ဖြစ်၊ ပြည်သူတွေက သူတို့ရဲ့ ခြိမ်းခြောက် ဆက်ကြေးကောက်တာတွေ ခံရနဲ့။ ဒါတွေကို ကျနော်တို့ ပြည်သူတွေအနေနဲ့ မျက်စိမှိတ်ပြီး ငြိမ်ခံ မနေသင့်တော့ဘူး။ တိုင်းပြည်ကို ဖျက်ဆီးနေတဲ့ ဒီလို မာဖီးယားဆန်ဆန် ရာဇဝတ်ဂိုဏ်းတွေကို "တော်လှန်ရေး" ဆိုတဲ့ ခေါင်းစဉ်တပ်ပြီး အကာအကွယ်ပေးနေတာတွေကို ကျနော်တို့ တတိုင်းပြည်လုံးက ရဲရဲဝံ့ဝံ့ ဆန့်ကျင်ကြဖို့ လိုအပ်နေပါပြီ။

ကျနော်တို့သာ ဒီအတိုင်း လက်ပိုဒ်ကြည့်နေကြရင် ကျနော်တို့မျိုးဆက်တင်မက နောက်ထပ်မျိုးရိုးအဆက်ဆက် လက်နက်ကိုင်တွေရဲ့ စိုးမိုးချယ်လှယ်မှုကို ခံသွားကြရပါလိမ့်မယ် ။ 

**(Section 3 - အဖြေရှာခြင်း၊ ငြိမ်းချမ်းရေးနဲ့ နယ်ခြားစောင့်တပ် အသွင်ပြောင်းရေး)**

**[လက်နှစ်ဖက်ကို ယှက်ပြီး စိတ်အေးလက်အေးနဲ့ အဖြေရှာတဲ့ ပုံစံမျိုး ပြောင်းပြောပါ]**

ဟုတ်ပြီး အခုကျနော်တီု့.. ပြဿနာတွေကို မြင်ပြီ။ အဲ့ဒီတော့ ထွက်ပေါက်က ဘာလဲ။ ကျနော်တို့ တိုင်းပြည်ကို ယူဂိုဆလားဗီးယားနိူင်ငံပြိုကွဲသွားသလို အဖြစ်ဆိုးမျိုး အရောက်ခံမှာလား။ ကျနော် အဖြေက ရှင်းရှင်းလေးပါပဲ။ ဘယ်တော့မှ အရောက်မခံနိုင်ဘူး။

ကျနော်တို့ ပြည်ထောင်စုကြီး မပြိုကွဲဖို့ဆိုရင်၊ ဒီသံသရာကနေ ရုန်းထွက်နိူင်ဖို့ဆိုရင် လက်နက်ကိုင် ဖြေရှင်းနေတဲ့ လမ်းစဉ်ကို ရပ်တန့်မှ ရပါမယ်။ အစိုးရဖြစ်စေ၊ လက်နက်ကိုင် အဖွဲ့တွေဖြစ်စေ စားပွဲဝိုင်းမှာ မျက်နှာချင်းဆိုင်ပြီး ငြိမ်းချမ်းရေး ဆွေးနွေးပွဲတွေကနေတဆင့် အဖြေရှာကြဖို့ အချိန်တန်နေပါပြီ။

တချို့က မေးလိမ့်မယ်၊ အဲ့ဒီ လက်နက်ကိုင် အဖွဲ့တွေကို ဘယ်လို လုပ်မလဲပေါ့။ ဒါလည်း နိုင်ငံတကာမှာ လုပ်လေ့လုပ်ထရှိတဲ့ နည်းလမ်းတွေ ရှိပါတယ်။ လက်နက်ကိုင် အဖွဲ့တွေကို နိုင်ငံတော်ရဲ့ ကာကွယ်ရေး ယန္တရားအောက်မှာ တရားဝင် ပါဝင်ခွင့်ပေးလိုက်တာပါပဲ။ ဥပမာ - နယ်ခြားစောင့်တပ် (BGF) တွေအဖြစ် အသွင်ပြောင်းတာမျိုးပေါ့။

ကိုယ့်ဒေသကို ကိုယ်ပြန်ပြီး ကာကွယ်မယ်၊ ဒါပေမယ့် ခွဲထွက်ရေး မလုပ်ဘူး၊ နိုင်ငံတော်ရဲ့ ဥပဒေဘောင်ထဲကနေ တရားဝင် လုံခြုံရေးတပ်ဖွဲ့တွေအဖြစ် ရပ်တည်မယ် ဆိုရင်၊ ဒါဟာ နှစ်ဦးနှစ်ဖက် လက်ခံနိုင်တဲ့၊ တိုင်းပြည်အတွက်လည်း အကျိုးရှိတဲ့ Win-Win အဖြေတစ်ခု ဖြစ်လာနိုင်ပါတယ်။ ဒီလိုလုပ်ခြင်းအားဖြင့် အပေါ်မှာ ကျနော်ပြောခဲ့တဲ့ မာဖီးယားဆန်ဆန် လုပ်ရပ်တွေ၊ မူးယစ်ဆေးဝါး ကိစ္စတွေကိုလည်း ဥပဒေနဲ့အညီ ထိထိရောက်ရောက် နှိမ်နင်းနိုင်သွားမှာ ဖြစ်ပါတယ်။

**(Outro - နိဂုံးချုပ် ဆော်ဩခြင်း)**

**[ကင်မရာကို တိုက်ရိုက် စိုက်ကြည့်ပြီး ခံစားချက်ပါပါနဲ့ တိုက်တွန်းပါ]**

မိတ်ဆွေတို့... ကျနော်တို့ နိုင်ငံဟာ အခုချိန်မှာ လမ်းဆုံလမ်းခွကို ရောက်နေပါပြီ။ ယူဂိုဆလားဗီးယားလို လမ်းမှားကို ရွေးပြီး သွေးချောင်းစီးတဲ့ အကွဲကွဲအပြားပြား နိုင်ငံတစ်ခုအဖြစ် အဆုံးသတ်ကြမလား။ ဒါမှမဟုတ် လူမျိုးစွဲ၊ ဒေသစွဲတွေကို ဘေးဖယ်၊ မူးယစ်ရာဇာရာဇဝတ်ဂိုဏ်းတွေကို ဆန့်ကျင်ပြီး၊ ငြိမ်းချမ်းရေး စားပွဲဝိုင်းကနေတဆင့် ဥပဒေဘောင်အတွင်းက အားလုံး စည်းစည်းလုံးလုံး အတူတကွ နေထိုင်သွားမလား။ ဒါကို ကျနော်တို့ ပြည်သူတွေက စဉ်းစားဆုံးဖြတ်ရမယ့် အချိန်ပါပဲ။

ကျနော်တို့ရဲ့ အနာဂတ်၊ ကျနော်တို့ နောက်ထပ်မျိုးဆက်တွေရဲ့ အနာဂတ်အတွက်၊ တိုင်းပြည်ကို ဖျက်ဆီးနေတဲ့ တော်လှန်ပုန်ကန် အစွန်းရောက်ဝါဒတွေ၊ မူးယစ်ရာဇာ ရာဇဝတ်ဂိုဏ်းတွေလိုအဖွဲ့အစည်း‌ေတွကို နိူင်ငံသူနိူင်ငံသားအားလုံးက ဆန့်ကျင်ကြပါလို့ တိုက်တွန်းရင်းနဲ့ပဲ ဒီနေ့ ကျနော့်ရဲ့ အစီအစဉ်ကို ဒီမှာပဲ ရပ်နားချင်ပါတယ် ။ 

ဒီကိစ္စနဲ့ ပတ်သက်ပြီး မိတ်ဆွေတို့ရဲ့ အမြင်လေးတွေကိုလည်း Comment မှာ ရေးသွားပေးပါဦး။ 

 အားလုံးကို ကျေးဇူးတင်ပါတယ်။ နောက်ထပ် ဗီဒီယို

တွေမှာ ပြန်တွေ့ကြတာပေါ့ဗျာ။