လူသားတစ်ယောက်လို ခံစားတတ်တယ် အရှုံးပေးတတ်သလို အနိူင်လည်း ယူတတ်တယ် ။
အချစ်နဲ့ပတ်သတ်လာရင် အနိူင်မရှိခဲ့ဘူးတဲ့ အရှုံးထဲမှာ ဝမ်းနည်းစွာ ပျော်မွှေ့နေတဲ့ အကောင်တစ်ကောင်ပဲ ဖြစ်တယ် ရှင်နွေ
ချစ်ခဲ့မိတာပဲ ငါအမှားပါ မိရှင်နွေ
လှည့်စားလိုက်ပါ နောက်ဆုံးအချိန်ထိ လှည့်စားလိုက်ပါ
လှည့်မကြည့်နဲ့ ဘယ်တော့မှ ပြန်လှည့်မကြည့်နဲ့ ငါအပေါ်ကို နင်လှည့်ကြည့်စရာ မလိုဘူး
ပျော်စရာတွေ ငါမှာ မရှိခဲ့ရင်တောင် နင့် လှည့်မကြည့်ပါနဲ့ အမှန်တွေ အမှားတွေ လည်း ငါ့အချစ်နဲ့ ပတ်သတ်လာခဲ့ရင် နင်ဟာ အမြဲမှန်တယ် ။
အငြိုးကြီးကြီး နဲ့ ငါကို ရက်စက်ခဲ့ရင်တောင် ငါနင့်ကို ရူးရူးမူးမူးချစ်နေမှာ ရှင်နွေ ။
ကောက်ကျစ်ခြင်းတွေပဲလား ရှင်နွေ
ဂုဏ်တွေ မက်နေဆဲပဲလား ရှင်နွေ
ပကာသန ငွေတွေ မက်နေဆဲပဲလား ရှင်နွေ
ငါကတော့ ဆန့်ကျင်ဘက်ဆန်တဲ့ အတွေးတွေနဲ့ အိမ်မက်တွေ မက်နေရင်း အိပ်စက်လို့ မရသေးဘူး မိရှင်နွေ
ငါက ဟန်ဆောင်မှု မပါဘူး ငါမှာ သောက်ပိုတွေ မပါဘူး ငါမှာ လိုချင်တက်မက်မှုတဏှာ မပါသလို ရုပ်အခြေခံဝတ္ထု အတ္တလည်း မပါဝင်ဘူး မိရှင်နွေ့
နင့်ကို ချစ်တဲ့ စိတ်ကတော့ ငါရဲ့ အိမ်အိုလေးထဲက အိပ်စက်မရသေးတဲ့ အိမ်မက်တစ်ခု လေးအဖြစ် သပ်သပ်ရပ်ရပ် ကျကျနန တည်တည်တံ့တံ့ နှလုံးသားထဲမှာ တည်ရှိနေပါသေးတယ် မိရှင်နွေ ။
အချစ်က ဟို အဝေးဆီမှာက ငါက အချစ်နဲ့ ကင်းကွာကင်းဝေးရတဲ့ အချစ်မရှိခဲ့သူ တစ်ယောက်ပါ။
ဒါပေမယ့် ငါသိမ့်လွမ်းနေတယ် သတိရစိတ်တွေ က ရင်ကို တုန်ရီစေတယ် ရှင်နွေ့ ရီဝေဝေအပြုံးလေးတွေ ကြောင့်လည်း တစ်စိတ်တစ်ဒေသ ပါဝင်တာပေါ့ ။
ခြေရာပျောက်နေတဲ့ အရိပ်အရောင်တွေ ကို မြင်နိူင်မလား ရှင်နွေ ဘဝတစ်ခုလုံး သွေးပျက်ခြင်းများနဲ့ စုတ်ပြတ်သွားတာတောင် ငါရဲ့ ခံစားမီုကို အရေးပေးခြင်း မခံစားလိုက်ဘူး ဒီလို ခံစားမှုတွေကို ဖက်တွယ်နေမိတာ ငါ့ရဲ့ မိုက်မဲမှု သက်သက်မျှသာ ဖြစ်တယ် ရှင်နွေ ။
ငါ့ကို လွတ်ချလိုက်တဲ့ လက်တစ်စုံကို လက်မလွှတ်နိူင်သေးတဲ့ ရမက်ဇောတွေကို နင့်ပြန်လည်လို့ နားလည်ပေးသင့်တယ် ။
အချစ်ကလွဲပြီး ဘာဆိုဘာမှ ငါဆီမှာ မရှိဘူး ရှင်နွေ အခြားသော အသိစိတ်တွေလည်း မရှိသလို နင်နဲ့ပတ်သတ်လာရင် ခံစားချက်မဲ့နေတဲ့ ခံစားမှုတွေ တစ်နေ့နေ့တော့ နင်မြင်လာမှာပါ ။
နင်မမြင်နိူင်တဲ့ တစ်နေရာက လူရေးတဲ့ ကဗျာအတိုအဆ လေးတွေကို ဖတ်ရှုရင်းနဲ့ နင်မြင်နိူင်ပါစေ နားလည်မှုတွေ ပေးနိူင်ပါစေ ။
အရာရာ ပြောင်းလဲ နေပေမယ့် မပြောင်းမလဲပဲ ဖြစ်တည်နေတဲ့ ရှင်နွေ့ အတ္တတွေကိုလည်း ငါနားလည်ပေးပါတယ် ။
တစ်နေ့နေ့တော့ နင်နားလည် လာမှာပါ …………
ဒီစိတ်နဲ့ပဲ ငါရှင်သန်နေတယ်
ဒီလိုခံစားမှုနဲ့ပဲ ငါဖြစ်တည်နေတယ် ။
ဒါတွေကလည်း တစ်နေ့နေ့တော့ တစ်နေ့နေ့မှာ နင်နဲ့ပတ်သတ်တဲ့ တစ်ခုခုပေါ့ မိရှင်နွေ့……………
#အဓိပတိကမ္မ . 30JULY2018
No comments:
Post a Comment