ဒီလောက လူ့ဘောင်ထဲမှာ ရှက်စရာအကောင်းဆုံးအရာက ဆင်းရဲခြင်းပဲ ၊ ဒါကို ဆင်းရဲတဲ့လူတွေက မသိကြဘူး ။
ဆင်းရဲရင် လူရာမဝင်ဘူး
ဆင်းရဲရင် ဘောင်မဝင်ဘူး
နှုတ်ထွက်စကားခြင်းတူရင်တောင် ဆင်းရဲတဲ့ကောင်ပြောလာခဲ့ရင် အလကားပဲ ဟာသသက်သက် ရယ်စရာသက်သက်ပဲ ဖြစ်တယ် ။
ဘယ်လိုနည်းနဲ့ပဲ ချမ်းသာလာပါစေ
ချမ်သာတဲ့လူတွေက ပိုပြီး မျက်နှာပွင့်တယ်
မပြည့်တဲ့ရေအိုးကိုသာ ဘယ်သူမှ မဖြည့်ချင်ကြတာ ပြည့်ပြီးသား အိုးတွေကိုတော့ ရေလာလောင်းမယ့် လူတွေက အများကြီးပဲ ။
အကျင့်ကောင်းခြင်းတွေ ရိုးသားဖြုစင်ခြင်းတွေ
ဉာဏ်ကောင်းခြင်းတွေ လူမှုရေးကိစ္စတွေမှာ ငွေမရှိရင် အလိုလိုအားနည်းလှော့နည်းလာတတ်ကြစမြဲပါပဲ ။
ငွေမရှိရင် မျက်နှာငယ်ရတယ် မေတ္တာရှိချင်ယောင်ဆောင်ပြီး အမှိုက်ပုံလိုသဘောထားလာမယ်
အောက်ကျနောက်ကျအလုပ်တွေနဲ့ အခိုင်းခံဘဝကြီးထဲကို ဆွဲခေါ်ကြလိမ့်မယ် ။ အဲ့ဒီအသုံးချခံဘဝထဲကို ဝင်မလာသူတွေက အသုံးမကျသူတွေအဖြစ် ဝိုင်းလှောင်ကြလိမ့်မယ် ၊ တချို့တွေကျပြန်တော့လည်း အသုံးချခံဖြစ်နေရတာကိုပဲ ဂုဏ်ယူနေကြတာတွေ ရှိတယ် ၊ အဲ့ဒီဘဝကြီးကိုပဲ လူရာဝင်တယ်လို့ ထင်နေကြပြီး အတင်းတိုးဝင်ကြတာမျိုးတွေရှိတယ် ။
အဲ့လူတွေက လူရာဝင်တာမဟုတ်ပဲ လူရာဝင်ဖို့ အတင်းလုပ်ယူနေကြတာလို့ပဲ မြင်မိတယ် ။
တကယ်တော့ ဘာမှ မရှိတဲ့ ဘဝတစ်ခုဟာ ဘာမှ မရှိပါဘူး ၊ အကျင့်သိက္ခာလည်း မရှိဘူး ၊ ကိုယ်ကျင့်တရားလည်း မရှိဘူး ၊ ဂုဏ်သိက္ခာလည်း မရှိဘူး ၊ ပညာလည်း မရှိဘူး ၊ ဉာဏ်လည်း မရှိဘူး ၊ တချို့သောအနည်းအကျဉ်းကတော့ ဘဝရှိနေသေးတယ် ဖြစ်တည်မှုရှိနေသေးတယ် သေးသေးပဲဖြစ်ဖြစ် နည်းနည်းပဲဖြစ်ဖြစ်ပေါ့ ။
သို့ပေမယ့်လည်း အများစုကတော့ ဘာမှကို ရှိမနေတော့တာပါပဲ ၊
No comments:
Post a Comment