ဒီမိုကရေစီ ဆိုတာ
ကိုယ်ပြောချင်တာတွေချည်း ပြောဖို့မဟုတ်ဘဲ လူထု လိုအပ်ချက်အမှန်ကို ထင်ဟပ်စေတဲ့ ၊
ပြည်သူက သိချင်နေတဲ့ ကိစ္စတွေကို ပြည်သူနားလည်အောင် ရှင်းပြ တာမျိုးက ပြည်သူတင်မြောက်ထားတဲ့ ဒီမိုကရေစီအစိုးရတိုင်းအတွက် အကျိုးမယုတ်စေပါဘူး။
မဟုတ်ရင် အရင်အစိုးရက လည်း သူတို့လုပ်ချင်ရာ လုပ်သွားတယ် ၊ ဒီအစိုးရလည်း မထူးပါဘူး ဆိုတဲ့ ပုံစံပဲ ဖြစ်သွားနိုင်ပါတယ် ။
အစုိးရသည်
အချုပ်အားဖြင့် ပြောရင် ပြည်သူစိတ် မွေးဖို့ပါပဲ ကျနေဖို့ လိုပါတယ် ။
နေရာရသွားလို့ အစိုးရနဲ့ ပြည်သူ စိတ်ထပ်တူ ၊ အာဏာရသွားလို့ ပြောင်းလဲသွားပြီဆိုတဲ့ ပြောဆိုမှုကို လက်မခံချင်ရင် အစိုးရမှာ ပြည်သူစိတ်ရှိနေဖို့ပဲ လိုပါတယ်
နောက်တစ်ခု
ပြည်သူတစ်ယောက်က ၊ နိုင်ငံသားတစ်ယောက်ရဲ့ အမြင့်ဆုံးလုပ်နိုင်စွမ်းဟာ မဲပေးတာပါ ။
ဒီထက်ပိုပြီး ပြည်သူတစ်ယောက်က ဘာမှ ဝင်မလုပ်ပေးနိုင်ပါဘူး။ နိစ္စဓူဝ စားဝတ် နေရေးအတွက်ပဲ ပင်ပန်းတကြီး လုပ်ကိုင်ရှာဖွေနေ ရတဲ့ ပြည်သူတွေဟာ နိုင်ငံ့ရေးရာ အလုပ်တွေလုပ်ဖို့ အတွက် သူတို့ယုံကြည်သူကို မဲပေးအပ်နှင်းထားခဲ့ပြီး ဖြစ်ပါတယ် ။
ပြည်သူက ရွေးချယ်ထားသူတွေက ပြည်သူ့အတွက် တာဝန်ကျေအောင် အလုပ်လုပ်ပေးရမှာပါ။
ကိုယ်ပေးတဲ့ ကတိတည်အောင် စွမ်းဆောင်ရမှာပါ။
ဒါမှ တာဝန်ယူမှု တာဝန်ခံမှု တာဝန်သိသာ အစိုးရ ဖြစ်မှာပါ ။
အဓိပတိကမ္မ
No comments:
Post a Comment