ရှင်နွေ
ငါနင့်ကို ခိုးခိုးပြီး လွမ်းနေရတဲ့ နေ့ရက်တွေ ရှိနေတယ် ။
ငါတို့နှစ်ယောက်အဖြစ်ကလည်း နာကျင်မှုတွေကိုတောင်
စိတ်ကူးနဲ့ ရူးနေရတဲ့ အဖြစ်အပျက်တွေက
ဆိုးရွားလွန်းတဲ့ အလွမ်းတွေပါ ရှင်နွေရယ် ။
ခိုးခိုးပြီး လွမ်းရတဲ့ ခံစားမှုအချစ်တွေက အောက်သက်သက်နဲ့ ရသမကောင်းတဲ့ ရင်ခုန်မှုမျိုးပါပဲ ။
နီးနီးလေးနဲ့ဝေးခဲ့ရတဲ့ အချစ်တွေကလည်း
ဆယ်ပြားစေ့အဖြစ်လို ခေါင်းနဲ့ပန်းလိုပဲ ဘယ်သောအခါမှ မျက်နှာချင်းဆိုင်တဲ့ အကြောင်းကံတွေ ပါဝက်မလာခဲ့ဘူး ။
အမှတ်တရ တွေပဲ များပြားတာလား အမှတ်မရှိပဲ ခံစားတာလား ဒါပေမယ့် အမှတ်တမဲ့ အဖြစ်အပျက်တွေကပဲ အမှတ်မရှိလွမ်းတတ်လာအောင် ခံစားတတ်လာအောင် ဒီနှလုံးသားကို သင်ပြပေးခဲ့တာပဲလေ ၊ နာကျင်မှုတွေလည်း ပါဝင်တာပေါ့ ရှင်နွေ ။
ရှင်နွေရေ ငါတို့အချစ်ရေးမှာ အကြင်နာမှာ အချစ်မစစ်ခဲ့တာ တစ်ခုကြောင့် အကြွင်းမဲ့ နာကျင်စရာတွေ များလွန်းတာ အထူးအဆန်းတော့ မဟုတ်ပါဘူး ။
ဒီလို ခံစားမှုမျိုးနဲ့ ရက်တွေကြာကြာ ငါခံစားခဲ့ပြီးပြီ ။
ရှင်နွေ့ နင့်အချစ်ကို ငါရဖို့ အစွမ်းကုန်ငါ ကြိုးစားခဲ့ဖူးပါတယ် ။ ငါပိုင်ဆိုင်ခွင့် မရှိတဲ့ နင့်အချစ်တွေကို ရရှိဖို့ထက် ငါနင့်ကို ဆက်ချစ်နေဖို့ပဲ ငါကြိုးသားနေတယ် မိရှင်နွေ ။
ရင်ခုန်သံ တွေအသစ်ဖြစ်ဖို့လည်း မလွယ်ဘူး။
ရင်မှာလည်း နင့်အတွက် အချစ်သစ်တွေ ဖြစ်ဖို့ကလည်း လွယ်ကူမှု မရှိဘူး ။
နောက်ဆုံးတော့လည်း အရာရာ ပြီးဆုံးသွားခဲ့ပြီ ။
နှုတ်ဆက်ပါတယ် ရှင်နွေ ။
နှုတ်ဆက်လမ်းခွဲချိန်တွေမှာ တစ်ယောက်နဲ့တစ်ယောက် ရင်ထဲကမပါတဲ့ စကားလုံးတွေနဲ့ မပါပဲ နှုတ်ဆက်ကြတာမျိုးကို ငါသဘောမကျဘူး ။
•စိတ်မကောင်းပါဘူး•ဆိုတဲ့စကားလုံးတွေက ငါရဲ့နာကျင်မှုတွေကို နိူးထစေခဲ့တယ် ။
ရှင်နွေရယ် နင့်ရင်ထဲက ခံစားမှုတွေကို စကားလုံးလှလှလေးတွေနဲ့ မဖုံးလွှမ်းလိုက်ပါနဲ့ ။
ဆိုးသည်ဖြစ်စေ ကောင်းသည်ဖြစ်စေ နင့်ရဲ့ ခံစားမှုပါတဲ့ စကားလုံးတွေကပဲ ငါအတွက် ရသတစ်ခုပေးစွမ်းစေမှာပါ မိရှင်နွေ ။
ရှင်နွေ နင်ရဲ့ ဖြစ်တည်မှုအတွက်လည်း ကျေးဇူးတင်တယ် ၊
အချစ်ရဲ့ ဖြစ်တည်မှုအတွက်လည်း ကျေးဇူးတင်ပါတယ် ။
ရူးသွပ်မှုတစ်ခုအတွက်လည်း ကျေးဇူးတင်ပါတယ် ။
ချစ်တတ်လာအောင် သင်ပေးခဲ့တဲ့ အပြုံးတွေလည်း ကျေးဇူးတင်တယ် ။
အရာအားလုံးအတွက်လည်း ကျေးဇူးတင်တယ် ။
ကြင်နာမှုတွေ ပေးတတ်ကြတဲ့ လက်တွေ ကို
လောက က နာကျင်မှုတွေပဲ ပေးတတ်ကြတယ်ဆိုတာ တစ်ခုကိုတော့ ငါကောင်းကောင်းကြီး သဘောပေါက်ခဲ့ရတယ် ။
#အဓိပတိကမ္မ
19.0CT2018
No comments:
Post a Comment