#ဆလိမ်လေး
ဆလိမ်လေး အမြင်ကောင်းသလောက် ငါ့တို့အတွက် အကျိုးမပြု အကျိုးနည်းခဲ့ရတဲ့ ဆလိမ်လေး ။
ဆန်
ဒီတိုင်းပြည်ကပဲ ထွက်တယ် ဒီတိုင်းပြည်မှာပဲ ဈေးကြီးပေးစားနေကြရတယ် ၊ ဆန်ဈေးကြီးလို့ လယ်သမားတွေရော ချမ်းသာရဲ့လား မမေးပါနဲ့ သူတို့ကစပြီး ထမင်းနပ်မမှန်နေတာပါ ။
ဆီ
ဒီတိုင်းပြည်က ထွက်တဲ့ မြေပဲဆီ နှမ်းဆီ အလွန်ပေါများပါတယ် ဒါပေမယ့် ပဲဆီ နှမ်းဆီကို လူတိုင်းမစားနိူင်ပါပဲ နေကြာဆီ စားအုန်းဆီ ပြည့်ဝဆီ
စတဲ့ ဆီတွေကိုသာ စားသုံးနေကြရင်း နှလုံး သွေးတိုး အသဲအဆီဖုံးက အစ ကင်ဆာအဆုံး ရောဂါအစုံဖြစ်နေကြရတာပါ ။
ဆရာဝန်
ဆရာဝန် အလုံအလောက်နီးပါး ဒီတိုင်းပြည်မှာ ရှိသင့်သလောက်ရှိပါတယ် ဒါပေမယ့် နိူင်ငံရေး မတည်ငြိမ့်မှု့တွေကြောင့် ဆရာဝန်အများစု အလုပ်မဆင်းကြတော့ဘူး ။
အခုလို ကိုဗစ်တွေက တတိုင်းပြည်လုံးဖြစ်လို့ သေသူသေ ပိုးကူးသူကူး ကုစရာနေရာမရှိ သွားစရာ ဆေးရုံဆေးခန်းမရှိနဲ့ မရှုမလှ သေကြရပြန်တယ် ။
ဆေးရုံ ဆေးဝါး
ဆေးရုံတွေ ဆေးပေးခန်းတွေ တတိုင်းပြည်လုံးအနှံ ရပ်ကွက်ကျေးလက် တောရော မြို့ပါမကျန် အမြှောက်အများရှိပါတယ် ကုသပေးမယ့် ကျန်းမာရေးဝန်ထမ်းက အလုပ်မဆင်း နဲ့ အတိဒုက္ခလှလှ တွေ့ရတယ် ၊ ဖျားလို့နာလို တုတ်ကွေးချောင်းဆိုးတာတောင် ဆေးမီးတို က ဝေလို့မရ ။
ဆေးဝါးကုန်တိုက် ဆေးဝါးစက်ရုံတွေ ပြည်တွင်းမှာ ရှိပါလျက်နဲ့ ပြည်သူတွေ ဆေးဝါးအငတ်ဘေးနဲ့ ကျန်းမာရေး စောက်ရှောက်မှု ဗလာနတ္တိပါပဲ ။
ဆရာ/ဆရာမ
ဆရာ ဆရာမ တွေကလည်း တပြည့်တွေကို ပစ်ခဲ့ပြီး တောထဲတောင်ထဲ မှာ မြေဖြုအစား လက်နက်စွဲကိုင် ခေါင်းလောင်းလေးနဲ့ စာသင်ကျောင်းလဲ စာသံပေသံ ကျောင်းသားလူငယ်တွေ အသံမကြားရပါပဲ သေနတ်သံ ဗုံးသံတွေနဲ့ စာသင်ခုံတွေက စစ်တန်းလျား ဖြစ်လို့နေတဲ့ တို့တိုင်းပြည်လေး သနားစရာ ။
ကျနော်တို့ မြန်မာပြည်မှာ ပေါသလောက် လိုအပ်နေတာ "ဆလိမ်လေး" ပါပဲ ။
ပေါများသလောက် ချို့တဲ့နေတာ "ဆလိမ်လေး"ပါပဲ။
ဆလိမ်လေးရယ် ကျနော်တို့ အများကြီးမျှော်လင့်နေပါတယ် ။
ဆလိမ်လေးရယ် အမြန်ဆုံး နေရပ်ပြန်လာပေးပါ ဆလိမ်လေး😥
အဓိပတိကမ်မ 🇲🇲
No comments:
Post a Comment