အရင်တစ်ခေါက်က ချင်းပြည်နယ်က ထန်တလန်မြို့ ပျက်ခဲ့ရသလို အခုတစ်ေခါက်ကတော့
ကယားပြည်နယ် လွိုင်ကော်မြို့ပါ ပျက်သွားပြီ၊
မြို့နေ ပြည်သူမရှိတော့ပါဘူး လက်နက်ကိုင်အကြမ်းဖက်တွေနဲ့ စစ်တပ်ကစစ်သားတွေပဲရှိတော့တယ်၊ လူနေအိမ်တွေကုိ အကာအကွယ်ယူပြီး ခံတပ်စစ်စခန်းသဖွယ် စစ်တပ်ကို တိုက်ခိုက်ကတည်းက မြို့ပျက်သဖွယ် ဖြစ်လာတော့မယ်လို့ ပြောခဲ့ဖူးတယ် ။
အေးအေးချမ်းချမ်းနဲ့ ကိုယ့်အလုပ်ကိုယ်လုပ်နေတဲ့ မြို့တွေရွာက ပုံမှန်အတိုင်း အေးအေးဆေးဆေး နေထိုင်လို့ရပါတယ် ၊ အကြမ်းဖက်တွေကို အားပေး လက်ခံတဲ့ မြို့ရွာတွေက ပြေးရလွှားရနဲ့ လူနေအိမ်တွေကိုပါ မီးရှို့ခံရသလို လက်နက်ကြီးထိလို့ ပျက်ဆီးရတာတွေလည်း ရှိနေတယ်။
နိုင်ငံရေးနားလည်လို့ အကျိုးအကြောင်းနားလည်တဲ့ နိုင်ငံရေးပညာတတ်အုပ်စုေတွက မီဒီယာကတစ်မျိုး ဖေ့ဘုတ်စ်ကတစ်မျိုး အမျိုးမျိုး လှုပ်ဆော်နေပေမယ့် နိူင်ငံရေးကို နားမလည်တဲ့လူတွေက ဒီမိုကရေစီကို ချစ်တဲ့စိတ် ဒေါ်အောင်ဆန်းစုကြည်ကို ချစ်တဲ့စိတ်နဲ့ ရိုးသားစွာ ပါဝင်ခဲ့ကြပေမယ့် ပေးဆပ်လိုက်ရတွေက အစားထိုးမရတဲ့ အသက်တွေပါပဲ ။
အဓိကပြောချင်တာက
အလုပ်အကိုင်က တပ်မတော်သား လို့မှတ်ပုံတင်ထားတဲ့ စစ်သားက စစ်တိုက်တာ သူ့အလုပ်သူလုပ်နေတာဖြစ်ပြီး နိုင်ငံရေးသမားက စစ်ဝင်တိုက်နေတာဟာ သူ့အလုပ်သူမလုပ်တာဖြစ်တယ်။
လူတိုင်းကိုယ့်အလုပ်ကိုယ်လုပ်နေကြရင် တိုင်းပြည်ကငြိမ်းချမ်းပါတယ်။
စစ်ကို မခေါ်ကြပါနဲ့ စစ်ကို ခေါ်ရင် စစ်ကရောက်လာမှာပါလို့ အရင် ထန်တလန်မြို့ဖြစ်စဉ်ဖြစ်ကတည်းက ပြောထားခဲ့တာ ။
စစ်ပွဲဖြစ်လာရင် နေအိမ်တွေ ပျက်ဆီးမယ် တောတွေတောင်တွေထဲ ပြေးကြရမယ် မိန်းမတွေ မုဒိမ်းအကျင့်ခံရမယ် အသက်တွေအများကြီး သေကြမယ် ။ သေနတ်ရှိတဲ့သူက ဖိနပ်နဲ့ချွတ်ပြီးမပစ်ဘူး၊ စစ်ဖြစ်တဲ့နေရာမှာ လူ့အခွင့်အရေးမရှိဘူး၊ စစ်တွင်းကတိတွေက မယုံကြည်ရဘူး၊
ဒါေတွဟာစစ်ပွဲကြောင့်ဖြစ်ရတာဆိုပြီး စစ်မဖြစ်အောင်ဝိုင်းဝန်းကာကွယ်တားဆီးဖို့ပဲလိုတယ်
စစ်ဖြစ်အောင်လက်နက်ကိုင်ခဲ့ကြတဲ့ သူတွေများလေလေ တိုက်ပွဲကြီးတွေဖြစ်လေလေပဲ စစ်ပွဲတွေဖြစ်လေလေ ပြည်သူတွေသေလေလေပဲ ။
ဒါကို ပြည်သူအများစုက နားမလည်နိူင်ကြသေးလို့ မြန်မာပြည်ဟာ မငြိမ်းမချမ်းဖြစ်နေကြတာ။
ပြည်သူတွေ မသေစေချင်ရင် ပြည်သူ့အသက်တွေ မဆုံးရှုံးစေချင်ရင် ပြည်တွင်းမယ် စစ်ဘောင်ချုံ့ပြီး နိုင်ငံရေးဘောင်ချဲ့ကြဖို့ ကြိုးစားကြပါလို့ လူထုကို ခေါင်းဆောင်နေတဲ့ ဂေါင်ကြီးပိုင်းတွေကို မေတ္တာရပ်ခံချင်ပါတယ် ။
ခေါင်းကြီးပိုင်းတွေ ခေါင်းကြီးကြီးထားပြီး နိူင်ငံရေးလုပ်ကြပါဗျာ ၊ ခင်များတို့နောက်လိုက်နေတဲ့ လူအုပ်ကြီးက မျက်စိတွေ နားတွေပိတ်ပြီး အကောင်းအဆိုး အကြောင်းအကျိုး အမှားအမှန် မခွဲခြားတော့ပဲ ခိုင်းတာလိုက်လုပ်နေကြတာ ခင်များတို့လည်း သိနေတာပဲ ။
အမှားတွေကို ပြင်ဆင်လိုက်ရင် အမှန်ကို မြင်တွေ့ရပါလိမ့်မယ် ။
ကဲ ....တော်သေးပြီ......။
#အဓိပတိကမ်မ 🇲🇲
(နေနည် ပို့စ်ကို မှီငြိမ်းထားပါသည် )
No comments:
Post a Comment