▪️လူငယ်တွေ သန်စွမ်းပါစေ🇲🇲

 ▪️လူငယ်တွေ သန်စွမ်းပါစေ🇲🇲

နိူင်ငံရေးသမားတွေ ကိုယ့်အလုပ် ကိုယ်လုပ်စေချင်ပါသည် ။

စစ်တပ်ဘက်ကရော လက်ရှိစစ်ဆန့်ကျင်ရေးလုပ်နေသော လူတွေကပါ ကိုယ့်အလုပ် ကိုယ်လုပ်စေချင်သလို crph ကလည်း နိူင်ငံရေး ဦးတည်ချက်ခိုင်ခိုင်မာမာ ရှိစေချင်ပြီ ။

နီပေါတွေကို တစ်ခုပြောချင်တယ်။

အောင်ဆန်းစုကြည်နိုင်ငံရေးခေတ်ကို မျှော်လင့်မနေပါနဲ့တော့ ဒေါ်စု နိူင်ငံရေးခေတ်က ပြီးဆုံးသွားပါပြီ။ 

မပြီးပြီးအောင်လည်း စစ်တပ်က လုပ်မှာ အသေအချာပါပဲ ။

နိူင်ငံရေး ဇာတ်ခုံပေါ် ဒေါ်စု ပျောက်သွားဖို့ တပ်က လက်ရှိ အာဏာသိမ်းတာလို့ပဲ ကျနော်ကတော့ ယူဆပါတယ် ။

ဒေါ်စု ပြန်လွတ်လာလည်း နိူင်ငံရေးကစားကွင်း ဝင်လို့ရတော့မှာ မဟုတ်ပါဘူး ။ 

 မလွတ်ပဲထားနေရင်လည်းအနေအထားတွေက အခုထက်ပိုပြီး သိပ်ထူးမယ်မထင်ပါဘူး ။

ဘာကြောင့်လဲ ဆိုတော့ ဒေါ်စုကို မြန်မာ့နိူင်ငံရေးလောကကနေ ထုတ်ပစ်ဖို့ရာ တပ်ရဲ့အဓိက နိူင်ငံရေးကစားကွက်ပါပဲ ။

အဲ့ဒါကြောင့် ဒေါ်စု ချက်ခြင်းလွှတ်ပေးပါ ။သမ္မတကြီး ဦးဝင်းမြင့် လွှတ်ပေးပါ အော်နေလည်း ထူးခြားလာမည် မထင်ပါ။

အဲ့ကြောင့် နိူင်ငံရး ကစားကွက် ပြောင်းလဲသင့်နေပြီ ။

နောက်ပြီး 

CRPH ကို တစ်ခုလောက်ပြောချင်တယ်။ ပြည်ပကိုပဲ အားအများကြီး မကိုးပါနဲ့ ။

သူတို့လုပ်နေတာတွေက ပြည်ပကိုပဲ အားကိုးနေပြီး ပြည်တွင်းကို ပြန်မကြည့်သလို့ဖြစ်နေတယ် ။

 ASEAN တွေ UN တွေက ကျနော်တို့ ပြည်တွင်းရေး ပြဿနာကို သံခင်းတ

မန်ခင်း အပျက်ခံပြီး ဝင်ရောက် စွက်ဖက်မှာ မဟုတ်လို့ အားကိုးလွဲနေပြီလို့ သုံးသပ်ချင်ပါတယ် ။

အခုချိန်ထိ သူတို့မှာ ဖိအားပေးရုံနဲ့ ရှုံ့ချရုံကလွဲပြီး ဘာမှ အသံထွက်မလာတာကိုက ကျနော်တို့အတွက် မျှော်လင့်ချက်လမ်းဆုံးတာပါပဲ ။

စစ်တပ်ဘက်က သူလုပ်စရာရှိရာကို ဦးတည်ချက်မဝေဝါး ပြတ်ပြတ်သားသားလုပ်ဆောင်နေပါပြီ။ သူတို့ သွားချင်တဲ့ပုံစံကို သူတို့စိတ်ကြိုက်လုပ်နေတာကလည်း အမှန်ပဲလေ ။

အာဏာသိမ်းပြီးတဲ့ နေ့ကတည်းက စလို့ တစ်ရက်မှ မပြတ်ဘူး ။ သူတို့ ပုံသွင်းချင်သလို နိူင်ငံရေး player တွေကို သူတို့ ရွေ့ချင်သလို ရွေ့ပြီး ဟန်ချက်ညီညီ လုပ်နေကြတယ် ၊  

ဘယ်သွားမယ် ဘာလိုလုပ်မယ် ဘယ်လမ်းစဥ်ကို ရွေးချယ်တယ် နဲ့ ‌ေနာက်က လိုက်မယ့် လူတွေကလည်း တစ်စီတတန်းကြီးပါပဲ ။

Nld နဲ့ crph တိ့ုအနေနဲ့ 

အခုအချိန်အထိ ၂၀၀၈ ခြေဥကို ဖက်တွယ်ပြီး ကြောင်တောင်ကန်းဖြစ်နေရတာတွေလည်း ရပ်သင့်ပါပြီ။

ဥပဒေနဲ့အညီ စည်းကမ်းတကျ ငြိမ်းချမ်းစွာတွေနဲ့ လမ်းမပေါ်မှာ လူငယ်တွေ အသက်၂၀ကျော်က‌ေလးတွေရဲ့ အသက်တွေကို တန်ဖိုးမဲ့စွာ ဆက်လက်မစတေးပါနဲ့တော့ ၊ 

အသက်တွေ ဆုံးရှုံးသွာတာတောင် ဝမ်းနည်း မပြော နာရေးအိမ်ကို နာရေးသတင်း လာမမေးတဲ့ သူတွေ နဲ့ အားပေးစကားလာမပြောကြတဲ့ လူကြီးလူ‌ေကာင်း ဆိုသူတွေက လမ်းပေါ်မထွက်ထွက်အောင် onlineပေါ်ကနေ သူရဲကောင်းလုပ်နေသူတွေ အနေနဲ့လည်း ရပ်တန်းက ရပ်သင့်ပါပြီ ။

မနက်ဖြန်ဆို အောင်မြင်ပြီ သဘက်ခါဆို အောင်မြင်ပြီ မင်းအောင်လှိုင်ပြေးတော့မှာပါ ဆိုတဲ့ လိမ်လုံးညာလုံးတွေနဲ့ ကျောင်းသားပြည်သူတွေအသက်တွေကို မစတေးပါနဲ့တော့ ။

လက်ရှိ နိုင်ငံရေးအခင်းအကျင်းတွေဟာ အားလုံးအသစ်ဖြစ်နေပါပြီ။

2020 ရွေးကောက်ပွဲရလဒ် အတည်ပြုပေးပါ ပြည်သူ့ဆန္ဒမဲတွေကို လေးစားပါတွေ အော်မနေနဲ့တော့ ရတော့မှာ မဟုတ်ဘူး ။ 

နိူင်ငံရေးလမ်းဆုံသွားပြီ သိဖို့ပါ ။

လက်နက်ကိုင်ပြီး စစ်တပ်ကို တော်လှန်မှာလား တော်လှန်ပြန်ရင်ရော အောင်မြင်နိူင်ပါ့မလား ။ အောင်မြင်နိူင်ရင်ရော ဘယ်လောက် အချိန်ယူ ဘယ်လောက်ထိ ပေးဆပ်ကြရမှာလဲ ။ လက်နက်ကိုင်တိုက်ရင် ရော လက်နက်ခဲယမ်းကို ဘယ်နိူင်ငံ‌က ထောက်ပံ့ပေးမှာလဲ ။

ဘယ်လောက်ထိ ထောက်ပံ့ပေးမှာလည်း ၊စဉ်းစားကြပါ နိူင်ငံရေးလုပ်နေသူတွေ 

ခင်များတို့ ရဲ့ အသိနည်းမှု အတွေးအခေါ် အမျှော်အမြင် နည်းမှုတွေရဲ့ ရော်ကြေးနဲ့‌ေလာင်း‌ေကြးက တန်ဖိုးရှိတဲ့ ကျောင်းသား ပြည်သူ‌တွေရဲ့ တန်ဖိုးရှိတဲ့ အသက်တွေပါ ။  

 

လူငယ်မျိုးဆက်တွေကိုပြောချင်တယ်။

GEN X တွေ gen Z တွေ မြှောက်ပေးတိုင်း မကကြပါနဲ့ မိမိအသိတွေကို မြှင့်တင်ကြပါ ။ 

အခုက အာဏာငမ်းသူ စစ်တပ်နဲ့ အာဏာမက်သူ nld တို့ အာဏာလုတဲ့ပွဲမှာ စတေးခံရသူတွေမဖြစ်ပါစေနဲ့‌ေတာ့။

ခေတ်ကတော့ ပျက်နေပြီ 

ခေတ်ပျက်ထဲမှာ အသားကျအောင် ဘယ်လိုနေမလဲ ကိုယ်လိုချင်နေတဲ့ နိူင်ငံရေးကို ဘယ်လိုရောက်အောင် လျှောက်လှမ်းကြမလဲ 

လက်ရှိခေတ်ပျက်ကို ဘယ်လိုကျော်လွှားကြမလဲ သေချာ တွေးတောကြပါ ခေတ်ပညာတွေ သင်ယူထားတာ ခေတ်ကို နောက်ပြန်ဆွဲချဖို့ မဟုတ်ဖူးဆိုတာ သိပါ ။

သင်တို့ လူငယ်တွေ အကောင်းဆုံးသော အနာဂတ်လမ်းမှန်ကို ငြိမ်းချမ်းစွာ ရွေးချယ်လျှောက်လှမ်းကြပါ ။

ကိုယ်ရွေးချယ်တဲ့လမ်းဟာ ကိုယ့်အနာဂတ်ပါ။

အကောင်းမွန်ဆုံး အသန့်ရှင်းဆုံး အမှန်ကန်ဆုံး အလှပဆုံးဖြစ်ပါစေလို့ တောင်းဆု‌ပြုပေးလိုက်ပါတယ် ။

အမှား‌နည်းသော လူငယ်တွေ ဖြစ်ပါစေ ။

လူငယ်တွေ သန်စွမ်းသော အသိဉာဏ်တွေ ပိုင်ဆိုင်နိူင် ကြပါစေ ။

အဓိပတိကမ်မ