ယနေ့ည နှစ်ခုပြောမယ်
နေပြည်တော် နှင့် ရန်ကုန်မြေနီကုန်း
ဟိုအရင် နဝတ နအဖခေတ်တုန်း က
ယာဉ်စည်းကမ်းလမ်းစည်းကမ်းတွေ အားလုံးကြားကြဖူးမှာပါ ၊
ယာဉ်တိုက်မှု ဖြစ်လိုက်ပြီဆိုရင်
ဘာကြီးပဲ ြဖစ်နေဖြစ်နေ ဘယ်လိုပဲ ဖြစ်ဖြစ် တိုက်လိုက်ရင် ယာဉ်ကြီးကအမှားပဲ ၊ ယာဉ်ငယ်က ဘယ်လိုအနေနေအမှန် ဆိုတာမျိုးတွေ ။
အခုလည်းအဲ့လိုပဲ စစ်တပ်က ဘာလုပ်လုပ်အမှား ပြည်သူကတွေဘာလုပ်လုပ်အမှန် လို လုပ်ချင်နေကြတယ်။
သိပ်တော့မတရားဘူးထင်တယ် ။
စစ်တပ်ကို ထောက်ခံလို့ ဒီစကားပြောရခြင်းမဟုတ်ဘူး ၊ အခုက ပြည်သူဆိုသူတွေက အတော်လွန်နေပြီ ။
အခုလည်းကြည့်လေ သေနတ်ပစ်ခံရရင် ပစ်တဲ့သူက အမှားဆိုပြီး သတင်းသမားတွေ ဆန္ဒ ပြအုပ်စုတွေက သောက်ရမ်းကြီး drama တွေခင်းပြပြီး ကြေကွဲပြနေပုံက အတော်ရွံစရာကောင်းပါတယ် ။
လုံခြုံရေးတပ်တွေကို ဒီကောင်မလေး ခဲတွေနဲ့ပစ်တဲ့ video တွေလည်း တက်နေတာပဲ အဲ့ဒီအခင်းဖြစ်တဲ့နေရာမှာ ဘယ်လောက်ထိ ရုန်းရင်းဆန်ခတ် ဖြစ်ခဲ့ရသလဲ အားလုံးသိနေတာပဲလေ ၊
ဒါကို လုံထိန်းရဲတွေ အပြစ်လိုလို စစ်တပ်ရဲ့အပြစ်လိုလို အပြစ်တင်နေကြခြင်းတွေ တိုင်းပြည် အတွက်လည်း မကောင်းဘူး ။
လုပ်စရာရှိတာ ဥပဒေအတိုင်း စစ်တပ်က လုပ်မှာပဲ ၊ အရင်ကလိုတော့ ယာဉ်ကြီးနဲ့ယာဉ်ငယ် တိုက်ရင် ယာဉ်ကြီးပဲ အရေးယူဆောင်ရွက်သည့် ခေတ်က ကုန်ခဲ့ပြီ ။
ခင်များတို့လည်း ယနေ့ခေတ်မှာ အမှန်တရားနဲ့ မတရားမှုတွေကို တိုက်ဖျက်ကြပါ ။ အမှန်ပဲနဲ့တော့ မတရားမှုတွေကို မတိုက်ဖျက်နိူင်ပါဘူး ။
အခုလည်း မြေနီကုန်းမှာ လုပ်နေပုံတွေက
အဖျက်ကိုပဲ ဦးတည်နေသော ပြည်သူတွေ ဖြစ်မှန်းမသိဖြစ်နေပြီ ၊ ကြက်သွန်နီတွေ ပစ်ချပြီး အိတ်အပေါက်နဲ့ လိုက်ကောက်ပြနေလိုက် လမ်းပေါ် စက်ဘီးလဲပြလိုက် ybs ကားတွေ ဖုန်သုတ်ပြကြနဲ့ အတော်လေး ကြည့်ရ ရှုပ်ဆိုးလာပြီး ဆန္ဒပြချင်တာမဟုတ်ပဲ အပျော်ရှာဖို့သက်သက် လုပ်နေသလို ဖြစ်နေပြီ ။
၁၈ ရက်နေ့ကလည်း လူကူးမြင်းကြားမှာ လုပ်နေပုံတွေက အုပ်စုဖွဲ့ပြီး တိုင်းပြည်ကို အဖျက်အမှောက်လုပ်နေကြသလို ဖြစ်နေပြီ ။
အာဏာသိမ်းစစ်တပ်ကို ဆန္ဒပြ
တာ မမှားပါဘူး ။ ဆန္ဒ ပြနေခြင်းတွေကတော့ မမှားမိစေရန် သတိပြုကြရမှာပါ ။
စစ်တပ်က သေနတ်မောင်းခလုတ် မနှိပ်ပဲ အုပ်ချုပ်နေလို့ အခုလိုတွေ လုပ်နေကြတာလား မသိဘူး ။
စစ်တပ်က ပစ်လိုက်ပါပြီတဲ့ နောက်ထပ် စစ်တပ်ပဲ အပြစ်ဝိုင်းပြီးတင်ကြမှာပါပဲ ။
အခုအခြေအနေက စစ်တပ်မပစ် ပစ်အောင် ရန်စောင်နေသလိုဖြစ်နေပြီ ။
တိုင်းပြုပြည်ပြု နိူင်ငံရေးလုပ်ကြရမယ့်အစား တိုင်းပျက်ပြည်ပျက် အဖျက်အမှောက် နိူင်ငံရေးစိတ်ဓာတ်တွေနဲ့ လမ်းပေါ်ထွက်နေကြခြင်းတွေ ရပ်တန်းက ရပ်သင့်ပါပြီလို့ အကြံပြုပြောကြားချင်ပါတယ် ။
@အဓိပတိကမ်မ
20022021
No comments:
Post a Comment