ငါတို့သမိုင်းအတွက် မှတ်တမ်းထားဖို့လိုတယ်။
လွန်ခဲ့တဲ့ ၁နှစ်ကျော်ကသတင်းကြားကြားခြင်း ကိုယ့်အိမ်ထဲကနေပဲ ခြုံးပွဲချငိုခဲ့ရတယ်။(အခုပြန်ပြောရင် စာတွေဖတ်ရရင် အခုမျက်ရည်ကျရတယ်)
ကျောက်တော် ဖြစ်စဥ် (၁ မှ ၅) ထိ အစအဆုံးကို စုထားပေးတာပါ။ မီးမစိမ်းနိုင်တော့တဲ့ ကိုယ့်သူငယ်ချင်းတွေကို tag တွဲချင်ပေမယ့် သူတို့အကောင့်ကို မြင်ရတိုင်း ရင်ထဲ မချိလို့ မတွဲတော့ဘူး။ ငါတို့ မေ့သွားမယ် မထင်နဲ့။ အကြွေး ရှိတယ်လို့ တင်နေပါစေ။
(မူရင်းရေးသူက Ko TinKo Win @ကိုဂျူဖြစ်ပါတယ်)
ကျောက်တော် (၁)
#ကျောက်တော် စကခ(၉) စတင်တိုက်ခိုက်ခံ ခဲ့ရတဲ့၂၀၂၄ ခုနှစ် ဖေဖော်ဝါရီ ၁ ရက်နေ့ ကနေ
ကျောက်တော်မြို့နယ်၊ ကျောက်ဖြူရွာအနီးမှာ ကမ်းထိုးရေယာဉ် ၃ စီး မီးလောင်နှစ်မြုပ်ခံရတဲ့ ဖေဖော်ဝါရီ ၈ ရက်နေ့ဖြစ်စဉ်အထိ အဲ့ဒီရေယာဉ်ပေါ်မှာပါဝင်ခဲ့ပြီး ကံကောင်းထောက်မစွာ တစ်ဦးတည်း အသက်ရှင် ကျန် ခဲ့တဲ့ လူငယ်လေးကြောင့် ရင်နာဖွယ် ၊ ကြေကွဲဖွယ်၊ ခါးသီးတဲ့ အမှန်တရားတွေကို သိခွင့် ကြုံခဲ့ရပါတယ်—-အမှန်တရားတွေဟာ ခါးသီးလွန်းလို့ လက်မခံချင်ဘဲ လက်ခံ ခဲ့ရတဲ့ အပိုင်းတွေ ရှိတယ်။
( ၁)
ကျနော်တို့ ကစ္ဆပနဒီတံတားနားက ကင်းမှာ တာဝန်ကျနေတုံး ဖေ ၁ ရက်နေ့မှာ တံတားကို
ဒီကောင် တွေစတိုက်တာ ၊ အင်အား ၃၀၀လောက်ပါတယ်။ ကျနော်တို့လဲ အင်အားမမျှတော့ ၃၇၄ ဗဟိုကင်းကို ပူးပေါင်းခဲ့ရတယ်၊ ကျနော်တို့က ၅ ယောက်ထဲလေ
နောက်တစ်ရက် ဖေဖော်ဝါရီ ၂ ရက်ကျတော့ AA တွေ ကစစ္ဆပနဒီတံတားကို ဗုံးခွဲလိုက်ပြီးဒီဖက်ကကမ်းကို လှေတွေနဲ့ကူးလာကြတယ်…
ဖေဖော်ဝါရီ ၃ ရက်နေ့က စပြီး တပ်မကို စတိုက်ကြတာ၊ တသုတ် ကို အင်အား ၆၀လောက်က လက်ပစ်ဗုံး ၃ လုံးစီနဲ့ ဓားတစ်ချောင်းဆီကိုင်ပြီး ကာထားတဲ့ အုတ်တံတိုင်းတွေကို ကျော်တက်ဖို့ လုပ်ကြတယ်။ အုတ်နံရံတွေမှာကျနော်တို့ဖက်က ပုံသေ ပစ်ကြောင်းလဲ ဆင်ထားတယ်၊ ရှေ့ထွက်မိုင်းတွေလဲ ထောင်ထားတယ်—-သူတို့တက်လာတဲ့ အချိန် ရှေ့ထွက်မိုင်းတွေ ခွဲပလိုက်တာ အပြုံလိုက်ပဲ ထိကြတာ ရန်ကုန်-စစ်တွေကားလမ်းမကြီးပေါ်မှာ
ေ-သွးချောင်းစီးနေတာမြင်မကောင်းဘူး။
ဒါပေမယ့် တသုတ်ကုန်တိုင်း နောက်တသုတ် ထပ်တက်လာတယ် ၊ တချို့ဆို ရင်အုံတွေမှာ ထိပီး ဒဏ်ရာ အကြီးအကျယ်ရတာတောင် သေနတ်ကို မရမက လာဆွဲကြတာ၊ ကျနော့်စိတ်ထင် ဆေးတမျိူးမျိုးသုံးထားကြသလိုပဲ
ဒဏ်ရာရထားတဲ့ကြားကနေ နောက်ထပ် တစ်နာရီ နှစ်နာရီလောက်အထိ ပုံသေ ပစ်ကြောင်းထဲကိုပဲ တိုးတိုးဝင်လာကြတယ်…
AA အဖွဲ့တွေက အိမ်ထောင်သည်လိုင်းတွေကို drop ဗုံးတွေချတော့ မှီခို ကောင်လေး ၂ ယောက် ၁၃ နှစ်ဝန်းကျင်ပေါ့၊ သူတို့မိဘ နှစ်ပါးလုံး ဆုံးပါးသွားကြတယ်…အဲ့ဒီ ညီလေး နှစ်ယောက်က မိဘတွေ သူတို့ရှေ့ ထိခိုက်ခဲ့ရတာ မြင်တော့ ကျနော်တို့နဲ့အတူတူ လာပြီး ခံပစ်ကြတယ် ၊ တားလို့ကိုမရတာ မခံချင်စိတ်ပေါ့ အကိုရယ်။ နောက်ဆုံးကျ သူတို့ နှစ်ယောက်လဲ ဒဏ်ရာ ရပြီး ရန်သူတွေ တက်လုံးတဲ့အချိန် အဖမ်းတော့မခံဘူးကွာဆိုပြီး သူတို့ဘာသာ အဆုံးစီရင်လိုက်ကြတယ်။
ဒီကောင်တွေ ကျနော်တို့တပ်မ အုတ်တံတိုင်းခြံစည်းရိုးကို လူတွေအများကြီး အ/ သေ ခံပြီးတိုက်ကြတာ ၃ ရက်မြောက်နေ့အထိ မရဘူး၊ ဒါနဲ့ သူတို့ တပ်မအစွန်က ထောက်ပို့ဖက် ကျားလန် ခြံစည်းရိုးကိုဖြဲပြီး တပ်ယူနီဖောင်းတွေနဲ့ အယောင်ဆောင်ဝင်လာခဲ့ကြတာ-//အရှေ့ဖက် ခြမ်းမှာမဲတိုက်နေတော့ အနောက်ပိုင်းမှာ အားနည်းခဲ့တာဗျ။ အဲ့လိုဝင်လာမှန်းသိတော့ ကျနော်တို့ကို သွားရှင်းခိုင်းတဲ့ အချိန် ကြက်ခြံနဲ့ ဝက်ခြံကြားမှာ ထမင်းချက်စားနေကြတာ၊ တပ်ယူနီဖောင်းတွေနဲ့ ကျနော်တို့က ဘယ်တပ်ကလဲမေးတာနဲ့သူတို့စပစ်ပေမယ့် ကျနော်တို့ဝိုင်းပစ်တော့ ၄ ယောက်ကျန်ခဲ့ပြီး လျှိုထဲဆင်းပြေးကြတယ်။ ကျပြီးကျန်ခဲ့တဲ့လူရဲ့ အိတ်ကပ်ထဲမှာ wy ဆေးပြား ၃၀လောက်နဲ့ ဆေးပြားရှူတဲ့ ခဲပတ်တွေပါလာတယ်
(၂ )
ကျနော်ထင်တာတော့ AA အဖွဲ့ရဲ့ အတွင်းသတင်းပေးက တပ်မမှူးနားမှာကို ရှိနေတာ၊ တပ်မမှူး ရိပ်သာကုန်းမှာရှိရင် အဲ့နေရာကို dropဗုံးတွေ ၊ RPGတွေ အပြုံလိုက်ကျတယ်၊ အာ့နဲ့ ရိပ်သာကုန်းကနေ BE အဖွဲ့တွေနေတဲ့ တောင်ကုန်းဖက်ကို ညတွင်းချင်း ရွှေ့တော့လဲ
အဲ့နေရာကို ပစ်ပြန်ရော၊ အာ့နဲ့နောက်ထပ် ဆေးကုန်း၊ အဲ့ဒီကနေ သကြားစက်ကုန်းပြောင်းရပြန်ရော၊ တပ်မမှူး လက်မောင်းနဲ့ပေါင်မှာ ပတ်တီးစည်းထားတယ်၊ ပတ်တီးပေါ်မှာ သွေးတွေ မြင်ရတယ်ဗျ။ သကြားစက်ကုန်းက ချုံတအားထူတာ အောက်ကလဲ လှိုဏ်ခေါင်းဖောက်ထားတယ် အရင်က ကျည်တစ်ပေါက်တောင်မရောက်ဖူး၊ တပ်မမှူး လာနေမှပဲdromp ဗုံးတင်မက၊ လက်နက်ကြီးပါအဆက်မပြတ် ကျနေတာ
စကားတောင်စခန်းဆိုတာ တပ်မနဲ့ ချောင်းတဖက်မှာထားတာ လူနည်းနည်းပဲ ကာကင်း သဘောထုတ်ထားတာ၊ အဲ့နေရာကို AA တွေက ဝိုင်းထားပြီး လက်နက်ချခိုင်းတာ၊ ရဲဘော်တွေက လက်နက်ချလိုက်တော့မှ လက်နက်တွေသိမ်း၊ နောက်ပြန်ကြိုးတုပ်ပြီး ကမ်းစပ်မှာဒူးထောက်ခိုင်း၊ နောက်စေ့တွေကို ပစ်that ပြီး မြစ်ထဲကို ကန်ချကြတယ်။
Cd###Tin Ko Win
#ကျောက်တော်(၂)
၂၀၂၄ ခုနှစ်ဖေဖော်ဝါရီလ (၅)ရက်နေ့မှာ ကျောက်တော်စကခ ၉ ဌာနချုပ် ရန်သူ့လက်အောက်ကျသွားပါတယ်။
အဲ့လို ကျသွားတဲ့ အခါ ဒဏ်ရာ ရနေတဲ့တပ်မမှူးက သကြားစက်ကုန်းမှာ ရှိနေပြီး ထိခိုက်ဒဏ်ရာရထားတဲ့ စစ်သည် အင်အား ၂၀၀လောက်နဲ့ မှီခိုသူ ရဲမေ မိသားစုဝင် ၄၀၀ကျော်လောက်ကို ကယ်ထုတ်ဖို့ အတွက် သတင်းပို့ခဲ့တဲ့အခါ ကမ်းထိုးရေယာဉ်
၁၇၁၃ နဲ့ ၁၆၁၃ တို့ဟာ ဖေ ၈ ရက်နေ့မှာ ရောက်လာခဲ့ပါတယ်။
ကမ်းထိုးကပ်ရမယ့် BE ရေဆိပ်ဟာ ရန်သူ့လက်ရောက်နေတဲ့ အတွက်
တပ်မမှူးက ကမ်းထိုးရေယာဉ်ခေါ်ထားပြီးကြောင်း ၊ ကမ်းထိုးကပ်ရန်နေရာကို AA အဖွဲ့က စိုးမိုးထားတဲ့ အတွက် BE ရေဆိပ်ကို ပြန်တိုက်ယူ မှဘဲ ကမ်းထိုးကပ်နိုင်မှာလို့ စစ်သည်တွေကို ပြောပါတယ်။
ဒါနဲ့ ဗျူဟာမှူးဦးစီး တစ်ဖွဲ့က BE ရေဆိပ်ကို ပြန်တိုက်ယူကြတဲ့ အခါ တပ်မဖက်အခြမ်း ချောင်းကမ်းစပ်တစ်ဝက်အထိ ကျနော်တို့ ပြန်ရလိုက်တယ်၊ အဲ့လို တိုက်နေတုံးမှာပဲ ဒဏ်ရာရ စစ်သည်တွေနဲ့ ရဲမေတွေကို ရေဆိပ်နဲ့ အနီးဆုံးနေရာအထိ ခေါ်ဆောင်ထားရတယ်၊ အဓိကကျတဲ့နေရာတွေမှာ ကင်းတွေ လည်းချထားတာပေါ့ အကိုရယ်။ ကမ်းထိုးကပ်တဲ့ အချိန် တစ်ဖက်က ပစ်လို့ ကာပစ်ကျရင်း ထပ်ပြီး ကျဆုံး ရတာတွေ လည်း ရှိတယ်။
ကျနော်တောင် ကာပစ်ကောင်းလို့ ကမ်းထိုးပြန်ထွက်တာ မသိဘဲ ကျန်ခဲ့တော့မလို့
တပ်မမှူးက ကျနော်တို့ ၃ ယောက်တစ်ဖွဲ့ကို သကြားစက်ကုန်းမှာ နောက်ဆုံး ခံစစ်အဖြစ် တာဝန်ပေးခဲ့တာ။ အမ်အေ ၃ က ၂လက်၊ ပစ္စတိုက ၁ လက်၊ ရှေ့ထွက်မိုင်း ၃ လုံး၊ လက်ပစ်ဗုံးတွေ ပေးခဲ့တယ်——ကျနော်တို့က ရန်သူလာမယ့် လမ်းကို မျှော်ပြီးစောင့်ရတော့ ကမ်းထိုး လာမယ့် လမ်းကို မ မြင်ရ၊ အသံ လည်းမကြားရဘူးဗျ။ ခနကြာတော့ AA အဖွဲ့တွေ အော်ဟစ်ဆဲဆိုနေတဲ့ အသံတွေ ကြားရမှ အတူတူ စောင့်နေတဲ့ ၂ ယောက်ကို ကမ်းထိုးကပ်ပြီလား
ကြည့်ဖို့ လွှတ်လိုက်တယ်။
အဲ့ဒီ အချိနိမှာပဲ ကျနော်တို့ စောင့်နေရတဲ့ သကြားစက်ကုန်းကို AA တွေ အပြုံ လိုက်တက်လာကြာတာ၊ ကျနော်လည်း ရှိတဲ့ ရှေ့ထွက်မိုင်း ၃ လုံးကို ခွဲပြီး၊ လက်ပစ်ဗုံး ၃ လုံးထဲက ၂ လုံးကို ထုပြီး သူတို့ကစဉ့်ကလျား ဖြစ်တဲ့ အချိန်လေး ကမ်းဖက်ကို ပြေးရတာ
ကျနော်ကံကောင်းတာက အဲ့အချိန် ကမ်းထိုးက
ကမ်းကခွါနေပြီ၊ ကျနော်လည်း
ရေထဲကို ခုန်ချ ၊ ကမ်းထိုးရေယာဉ်သို့ ရေကူးပြီး ဘောကွင်းတွေကတဆင့် ကမ်းထိုးပေါ် ရောက်သွားတယ်။ ကျနော် တက်လို့ ရလိုက်တဲ့ ကမ်းထိုးက အသေးဗျ၊ ကြည့်လိုက်တော့မှ ကပ်လျက်မှာ ကမ်းထိုး အကြီး ၁ စီးပါတာ တွေ့လိုက်ရတယ်။ အဲ့ ဒီအချိန်က ဖေ ဖော်ဝါရီ ၈ ရက် နေ့လယ် ၁၂ ခွဲလောက်ပေါ့ဗျာ—-
ကျနော်တို့စထွက်ခဲ့ကြတာ။😢
#crd TinKo Win
#ကျောက်တော်(၃)
ကျနော်တို့ ကျောက်တော်က စထွက်လာပြီး မြို့အထွက်က ကစ္ဆပနဒီတံတားကို ဖြတ်တဲ့ အချိန်မှာ တံတားပေါ်ကနေ ကမ်းထိုးဆီကို လက်ပစ်ဗုံးတွေနဲ့ ပစ်ချကြတယ်။ ကမ်းထိုးပေါ်ကို မကျဘဲ ရေထဲကျပြီး လက်ပစ်ဗုံးကွဲသံတွေကြားရတယ်…
ကျောက်တော်ကနေ ထွက်ပြီး အပေါက်ဝကျေးရွာ အထိ ကုလားတန်မြစ်ကြောင်းတစ်လျောက်မှာ ကမ်းဘေး က ရွာတွေကနေလက်နက်ကြီး၊ လက်နက်ငယ်တွေနဲ့ တောက်လျောက်ပစ်ခတ်ကြတယ်၊ ကမ်းထိုးပေါ်ကို Dropဗုံးတွေလဲ ချတယ်ဗျ၊
အဲ့လို ပစ်တော့ ကမ်းထိုး ၁၇၁၃ က နေပူခံရွာနားမှာ
စက်ပျက်ပြီး ရေတွေဝင် မြုပ်ရော
အဲ့ဒါနဲ့ အဲ့ဒီ ကမ်းထိုးပေါ် ပါလာတဲ့ စစ်သည်၊ ရဲမေ၊ မိသားစုဝင်တွေကို ဟိုဘက်က ကမ်းထိုး ၁၆၁၃ ပေါ်ကို ပစ်တဲ့ခတ်တဲ့ကြားကနေ ပဲ ပြောင်းရတာပေါ့ဗျာ။
အဲ့လို လူတွေ ပြောင်းတင်ပြီး ဆက်ထွက်လာကြတဲ့အခါ AA ကလဲ ကမ်းနားဘေးကနေ ၁၀၇ မမရှော့တိုက်ဒုံးတွေ၊ Dropဗုံးသီးတွေနဲ့ တရစပ် ပစ်တာ
ဒီဖက်ကလဲ ရှိတဲ့ လက်နက်နဲ့ ပြန်ပစ်ကြပေါ့၊
အဲ့လိုနဲထွက်လာလိုက်တာ သိပ်မကြာဘူး
နေပူခံရွာ အလွန်လေးပဲ ရှိသေးတယ်၊
ကမ်းထိုးဟာ AAထောင်ထားတဲ့ အတားအဆီး
ကျားပိုက်နဲ့ ပန်ကာနဲ့ ညှိပြီး ရေလယ်ခေါင်ကြီးမှာ စက်ရပ်သွားလေရော
ကမ်းထိုး ရပ်တာနဲ့ ကမ်းဘေးက ရွာကနေ လက်နက်ကြီးတွေနဲ့ တောက်လျောက်ပစ်၊
Dropတွေ တောက်လျောက်ချတော့တာပဲ
ခဏကြာတော့ Drop ဗုံးဒဏ်ကြောင့် ရေလယ်ခေါင်က ကမ်းထိုးကို မီးစလောင်ရောအကို
ဒါနဲ့ ပစ်နေခတ်နေတဲ့ ကြားကပဲ မီးဝိုင်းငြှိမ်းကြတယ်….ရေတပ်က အဖွဲ့တွေက အလေးအပင်တွေ
စွန့်ပစ်ဖို့ ပြောလာတော့
ရဲမေတွေရဲ့ ပစ္စည်းတွေရော၊
လက်နက်ကြီး အချို့ကိုရော စွန့်ကြရတယ် ။
တပ်မမှူးကလဲ နောက်ထပ်ကမ်းထိုးအကြီး တစ်စီးလာနေပြီ၊ အားတင်းထားကြဆိုတာနဲ့ စစ်သည်တွေလဲ အားရှိပြီး လက်နက်ငယ်တွေ နဲ့ ပစ်ခတ်တဲ့ ဖက်ကို ပြန်ပစ်ကြတယ်၊
ဒီလိုနဲ့ အဲ့ဒီ ပိုက်ငြိနေတဲ့နေရာမှာ ၂ နာရီလောက် ကြာပြီးတဲ့ အချိန် မှာ နောက်ထပ်ကမ်းထိုးတစ်စီး ထပ်ရောက်လာလို့ အဲ့ဒီပေါ်ကို လူတွေ ထပ်ရွှေ့ကြပြန်တယ်၊
ကျားပိုက်နဲ့ ငြိတဲ့ ကမ်းထိုးက စက်ခန်းတွေ မီးလောင်နေပြီ အကို မြုပ်တော့ မမြုပ်သွားဘူး
နောက်ထပ်ရောက်လာတဲ့ ကမ်းထိုးအကြီးနဲ့ ဆက်ထွက်လာတဲ့ အခါ AAက အတားအဆီး လုပ်ထားတဲ့ ရေလယ်က ကျားပိုက်တွေကို မငြိအောင်ရှောင်တိမ်းရင်း သွားကြရတယ်၊အဲ့ဒါနဲ့ နောက်ထပ် ၁ နာရီလောက် ပဲထွက်ရသေးတယ်
ကျားပိုကိတွေ ရှောင်ရင်း ကမ်းထိုးကသောင်တင် သွားတယ်ဗျာ…အဲ့ဒီအချိန် ညနေစောင်းတော့မယ် ၊
ကမ်းထိုး သောင်တင်နေတဲ့ နေရာကို လောင်းလှေ ၁၀၀ကျော်လောက်နဲ့ AA အဖွဲ့တွေ ရောက်လာပြီး ကမ်းထိုးကိုဝိုင်းထားတယ်၊
လူတွေက ကြိုးချိတ်တွေနဲ့ ပစ်ပြီး ကမ်းထိုးပေါ်ကို တက်ဖို့ ကြိုးစားကြလို့ ကျနော်တို့ ပစ်ကြတာ
သူတို့အတော်များများထိပြီးတော့ လောင်းလှေ တွေ ပြန်ထွက်သွားကြတယ်။
ခဏနေတော့ ကမ်းထိုးကို မီးကျည်တွေနဲ့ ပစ်ပြီး
လက်နက်ငယ်၊ လက်နက်ကြီးတွေ ပစ်တယ်၊ dropဗုံးချတယ်။ ထူးဆန်းတာက သစ္စာဖောက်ကောင်က ကမ်းထိုးပေါ်အထိ ပါလာတာပဲ အကို ၊
ကမ်းထိုးပေါ်မှာ ရေတပ်အဖွဲ့ကလွဲ ပြီး ကျန်သူအားလုံး ယူနီဖောင်းမဝတ်ထားကြဘူး၊ အဲ့ဒါကိုတပ်မမှူး ကမ်းထိုးဦးပိုင်းမှာဆို ဗုံးသီးက ဦးပိုင်းကိုကျ တယ်၊ နောက်ပိုင်းသွားရင် နောက်ပိုင်းကိုကျတယ်၊ တပ်မမှူးကလဲ တောက်လျောက်ကွပ်ကဲတယ်၊ ရဲဘော်တွေကိုလဲ အားပေးတယ်၊ တပည့်တို့တောင့်ထား ကမ်းထိုး ထပ်လာလိမ့်ဦးမယ်လို့ပြောတယ်
အဖြစ်အပျက်တွေက ပြန်မပြော
ချင်လောက်အောင်ဆိုးတယ်အကို၊
တပ်မမှူးနဲ့တပ်ရင်းမှူးတွေ ကမ်းထိုးအရှေ့ပိုင်းက ဂေါ်ချတဲ့ ထောင့်ကျဉ်းလေးမှာ စုပြီးတိုင်ပင်နေကြတဲ့အချိန် လက်နက်ကြီးတစ်လုံးက အဲ့ထဲကို တည့်တည့်ကျသွားတယ်😢
# crd TinKo Win
#ကျောက်တော်(၄)
ကျနော်ခုနကပြောသလို တပ်မမှူးနဲ့ တပ်ရင်းမှူး 2ICတွေ ကမ်းထိုးဂေါ်ချတဲ့ထောင့်လေးမှာစုပြီး တိုင်ပင်၊ စစ်တွေနဲ့ ဆက်သွယ်မှု လုပ်နေကြတုံး
ဗုံးသီးတစ်လုံးက အဲ့ဒီအထဲ ကိုတည့်တည့်ကျတယ်၊ ကျနော်မြင်လိုက်တဲ့ အသိအရတော့ အဲ့နေရာမှ အားလုံးကျဆုံးသွားကြတယ်၊(AA အဖွဲ့ကတော့ ရေကြောင်းတိုက်ပွဲမှာ တပ်မမှုးကို အရှင်ဖမ်းမိကြောင်း ထုတ်ပြန်ထားတာရှိပါတယ်- စကားချပ်)
အဲ့နေရာတစ်ဝိုက် သွေးချောင်းစီးပြီး သွေးတွေ ပန်းထွက်နေတာ၊ ကျနော့်အထင် အရာရှိဆိုလို့ ကမ်းထိုးနောက်ပိုင်းမှာ တာဝန်ပေးထားတဲ့ နှစ်ပွင့်နဲ့ ဗိုလ်ကြီးတစ်ယောက်ပဲ ကျန်တယ် ၊ အဲ့ဗိုလ်ကြီးက ခြေထောက်ပြတ်နေတာ
ပြောပြ တော့သာ ခဏတဖြူတ်လေး အကို၊
အဲ့ဒီ မှာ ငရဲပွက်သလိုပဲ
ကမ်းထိုး စထွက်ပြီး အပေါက်ဝရွာ မရောက်ခင်ကတည်းက Dropဗုံးနဲ့ လက်နက်ကြီး လက်နက်ငယ်တွေ တောက်လျောက်ပစ်ခတ်ခံရတာ၊ ကမ်းထိုးတွေလည်း စက်ပျက်ပြီးရေဝင် မြုပ်တာကတစ်စီး၊ မီးလောင်ပြီးစွန့်ခဲ့ရတာက တစ်စီးနဲ့ အခုဆို ပစ်နေခတ်နေတဲ့ ကြားကနေ ပြောင်းရတာ ကမ်းထိုး ၃ စီးမြောက် ဖြစ်လာပြီ
ယမ်းခိုးနံ့တွေမွှန်ထူပြီး၊ ရေလည်း အရမ်းငတ်တာ
Dropဗုံး တစ်ခါချတိုင်းမှာ စစ်သည်၊ ရဲမေရော မှီခိုကလေးတွေရော ၁၀ ယောက် ၁၅ ယောက်လောက် thay တယ်အကို၊ကမ်းထိုးပေါ်မှာ စစ်သည်/ရဲမေတွေ ခေါင်းမရှိတော့ဘူး၊ ခါးကနေပြတ်သွားတဲ့လူ၊ အလောင်းတွေ မသေမရှင်ကုန်းထနဲ့အများကြီးပဲ
ကျနော်တို့လည်း တပ်မမှူးမှာခဲ့တဲ့အတိုင်း နောက် ၂ နာရီ ၃ နာရီလောက်အထိတောင့်ခံထားကြတယ်၊ ယမ်းခိုးတွေကြောင့် ရေဆာလွန်းလို့ ကျည်ကာဦးထုပ်နဲ့ လက်နက်ကြီးမကျခင်လေး မှာ
ခပ်သောက်ကြတယ်။
အဲ့လိုနဲ့ စောင့်ကြရင်း လက်နက်ချတယ်ဆိုပြီး တစ်ဖွဲ့က အလံဖြူထောင်တယ်အကို (ပြောပြတဲ့အထဲမှာ ဘယ်အဖွဲ့ဆိုတာပါပါတယ်) ၊ AA အဖွဲ့တွေက
လှေပေါ်ကနေ လက်နက်ချတဲ့သူတွေ လာခဲ့ကြဖို့ လှမ်းအော်ခေါ်လို့ ရေကူးပြီးသွားကြတယ်
လှေနားရောက်လို့ ခေါင်းပေါ်လာ တဲ့အချိန်ဝါးရင်းတုတ်နဲ့ ရိုက်thatတာ၊ တချို့ကိုကျတော့ လှေပေါ် ဆွဲတင်ပြီးမှဓားတွေနဲ့ ထိုးthatတာဗျာ၊ အဲ့လိုမျိူး လုပ်တာ တွေ့တော့ ကမ်းထိုးပေါ်မှာကျန်သူတွေက လက်နက်ချမယ့် အကြောင်း မပြောကြတော့ဘူး—
အဲ့လိုနဲ့နောက်ထပ် အချိန်ခဏကြာတော့ ကမ်းထိုးနောက်ပိုင်းက ရဲဘော်တစ်ယောက်က ဆာလာအိတ် အဖြူကိုဝါးလုံးမှာချည်ပြီး အလံဖြူထောင်ပြလို့
၂ ပွင့်နဲ့ ခြေထောက်ပြတ်နေတဲ့ဗိုလ်ကြီးက ပစ္စတို ကျည်ထိုးပြီး အလံဖြူထောင်တဲ့ကောင် ငါကိုယ်တိုင်thatမယ် ၊ အဲ့ဒီဆာလာအိတ်ငါ့ဆီယူလာဆိုပြီး ဆာလာအိတ်အစကို မီးရှို့ပစ်လိုက်တယ်
AA က ကမ်းထိုးနောက်ပိုင်းကို လက်နက်ကြီးတွေနဲ့တောက်လျောက်ပစ်တဲ့အခါ ကမ်းထိုးနောက်ပိုင်းကို ၅ လုံးကျပြီး နောက်ပိုင်း ပျက်စီးသွားတယ်၊ အနောက်ပိုင်းနေက စပြီး တဖြေးဖြေးရေမြုပ်လာလို့
စစ်သည် ရဲမေတွေ ကမ်းထိုးဦးပိုင်းကို ပြေးကြပြန်တယ်၊ နောက်တော့ တဖြေးဖြေး ထပ်မြုပ်လာတော့ ရေထဲ ခုန်ချကြတယ်
အကိုမြင်ကြည့်စမ်းပါ ရေထဲ ခုန်ချတဲ့ စစ်သည် ရဲမေ မိသားစုဝင်တွေကို ရွာသစ်ကေ၊ ကျောက်ဖြူ၊ လမုတပင် ရွာတွေက လှေတွေနဲ့ ရေထဲမှာ တွေ့သမျှ လူမှန်သမျှလိုက်ခုတ်ကြတာဗျာ
အချို့ရဲမေတွေဆို ကမ်းစပ်အထိ ရောက်ကြတယ် ၊ သာလီစွပါဆိုပြီးကမ်းပေါ်တက်ကြတယ်။
အဲ့မှာ တစ်ယောက်မှ အရှင်မထားနဲ့ဆိုပြီး ဝိုင်းအော်ကြတယ်၊ တုတ်တွေနဲ့ ရို-က် လက်နက်ငယ်ပစ်သံတွေလဲကြားရတယ်။ သင်္ဘောပေါ်ကနေ ရေထဲ ခုန်ချသွားတဲ့ လူတွေအားလုံး လှေ/ စက်လှေတွေနဲ့ လိုက်ပြီး ဓားတွေနဲ့ ခုတ် thatတာ
ကျနော်ကတော့ ရေထဲ ခုန်မဆင်းဘဲ ကမ်းထိုးဦးပိုင်းထိပ်အထိ ကို ရနိုင်သလောက်တက်ပြီး
အမှောင်ထုကို စောင့်နေတယ်၊ သင်္ဘောစုန်းစုန်း မြုပ်ခါနီးမှ ရေထဲကို ခုန်ချ ခဲ့တယ်😢
#crd TinKo Win
#ကျောက်တော်(၅)အဆုံး
ကျနော်လည်း တော်တော်လေးမှောင်လာပြီး
ကမ်းထိုးသင်္ဘော ဦးပိုင်းအထိ မြုပ်တော့မယ့် အချိန်ကြမှ ရေထဲကို ခုန်ဆင်းခဲ့တယ်၊ ကျနော် နောက်ဆုံးလို့ပဲ ပြောရမယ် အဲ့ဒီအချိန် ကမ်းထိုးပေါ်မှာ အသက်ရှင်ကျန်ရစ်သူ မတွေ့မိတော့ဘူး။
ကျနော် ရေထဲ ရောက်ရောက်ချင်းပဲ လောင်းလှေ တစ်စီးက ကျနော့်နား ရောက်လာပြီး လှေပေါ်ကနေ ဝမ်းဗိုက်ကို ဓားနဲ့ခုတ်တယ်—-ကျနော်လည်း ကြောက်ကြောက်လန့်လန့်နဲ့ ရေအောက်ကို ချက်ချင်းငုပ်ပြီးပြေးရတယ်၊ ဓားနဲ့ခုတ်တာ ဝမ်းဗိုက်ကို မထိဘဲ ပေါင်နဲ့ လက်နဲ့ကို ခုတ်မိပြီးဒဏ်ရာရခဲ့တယ်၊
အဲ့ဒါနဲ့ ရေထဲမှာ ငုပ်ပြီးအသက်အောင့်ပြီးနေလိုက်တယ်၊ ခနကြာတော့မှ ရေပေါ်ပြန်တက်တော့ အဲ့လောင်းလှေ မရှိတော့ဘူး၊ ကျနော် သေပြီ ထင်ပြီး ပြန်လှည့် သွားတာ ထင်တယ်။
သူတို့ဆက်မစောင့်တာကပဲ ကျနော်ကံကောင်းဖို့ ဖြစ်လာတာ ထင်တယ်အကို၊ နို့မို့ ခုလို အဖြစ်ဆိုး ကြီးကို မျက်မြင်ကိုယ်တွေ့ ပြန်ပြောပြနိုင်မယ့် လူ တစ်ယောက်မှ ရှိတော့မယ် မထင်ဘူး။
ကျနော် ရေပေါ်ကို ပြန်တက်လာတဲ့အထိ အခြားလှေတွေကနေ ရေထဲခုန်ချသူတွေကို လိုက်ခုတ်နေတုံးပဲ။
အော်ဟစ်ဆူညံနေကြတာ။
ကျနော်လည်း ဓားနဲ့ ခုတ်ခံရတဲ့ လက်နဲ့ ပေါင်နေရာတွေက သွေးတွေ အရမ်းထွက်နေတာနဲ့ ရေစီးအတိုင်းမျှောလိုက်ပြီး ကမ်းစပ်နားက
ခြုံပုတ်ကြီးပေါ်မှာ ပုန်းနေခဲ့တယ်၊
အဲ့လိုပုန်းနေတုန်းမှာပဲ ရွာသားတွေက ရေထဲကို ဓာတ်မီးနဲ့ ထိုးပြီး ဗမာစစ်ခွေးတွေ ထွက်လာခဲ့၊
တွေ့ရင် သ/တ် မယ်လို့ အော်ဟစ်ကြိမ်းဝါးနေတာကို ကြားနေရတယ်၊
အဲ့လိုနဲ့ ည ၁၁ နာရီလောက်မှာ AA အဖွဲ့က လှေအကြီးကြီး တစ်စီး ထပ်ရောက်လာပြီး ရေကြောင်း တစ်ဝိုက်ကို မီးတွေနဲ့ ထိုးပြီး အကြာကြီးလှည့်ပတ်ကြည့်ကြတယ်။
ခေါင်းဆောင်လို့ ထင်ရတဲ့ လူက စစ်ခွေးတွေ အကုန်
ေ/သ လောက်ပြီ ပြန်ကြမယ် ဆိုပြီး ပြန်လှည့်သွားတယ်၊ သူတို့လှေရပ်တဲ့နေရာက ကျနော်နဲ့ အတော်လေးနီးတယ်။
သူတို့လှေ ထွက်သွားပြီးမှ ကျနော်ပုန်းနေတဲ့ နေရာကို လှည့်ပတ်လိုက်ကြည့်တော့ ကမ်းစပ်က အိမ်ကြီးတစ်လုံးရဲ့ အိမ်သာဘေးက ခြုံပုတ်ကြီးမှန်းသိတယ်။
ကျနော်ပုန်းနေတဲ့ ခြုံပုတ်နားမှာ လှေတစ်စီးတွေ့လိုက်တယ်၊ လှေကို သံကြိုးနဲ့ ချည်ထားတာနဲ့ ကျနော်လည်း ချည်ထားတဲ့ တိုင်ကို ဆွဲနုတ်ပြီး လှေကို အကာအကွယ်ယူ ရေစီးအတိုင်းမျောပြီးကူးလာခဲ့တယ်
ကျနော် ကူးလာတဲ့ တစ်လျောက်လုံး ရေထဲမှာ လှေတွေရှိတယ်၊ ကမ်းနားဖက်က ရွာတွေမှာလည်း မီးရောင်တွေတွေ့တယ်၊ သူတို့က ထပ်လာမယ့် ကမ်းထိုးကို စောင့်ကြတာ၊
အဲ့လိုကူးနေတုံး
AA တွေက ‘’သူတို့လာနေပြီ၊ မီးတွေပိတ်ကြ’’ ဆိုပြီး အချင်းချင်းအော်ပြောသံကြားရတယ်၊ အဲ့မှာ မီးတွေအကုန် ပိတ်သွားတော့ ရေပြင်က မှောင်မဲ ပြီး ဘာမှ မမြင်ရတဲ့ အချိန်မှာ လှေပေါ်ကို တက်ပြီး လှေလှော်ပြီး ထွက်ပြေးခဲ့တယ်
လှေလှော်ရင်း ခဏကြာတော့ ထပ်လာနေတဲ့ ကမ်းထိုးရေယာဉ်ကို မြင်ရတဲ့ အခါ ကျနော် အရမ်းအားရှိသွားတယ် အကို၊ ကမ်းထိုးက ပထမတော့ ကျနော့်ကို လက်နက်ငယ်နဲ့ ပစ်သေးတယ်၊ ကျနော်က လည်း နာမည်ဘယ်သူပါ၊ ဘယ်တပ်ကပါလို့ ကုန်းအော်ရတာအကို၊ AA က ဘယ်လောက်မိုက်ကန်းသလဲဆို ကမ်းနားကနေ ဗမာလေသံနဲ့ ငါတို့ စကခ ၉ ကပါ၊ ငါတို့ကိုလဲ ခေါ်အုံးလို့ ဝိုင်းအော်ကြတယ်။
ကျနော့်ကို ကမ်းထိုးပေါ် ကယ်ပြီး ပထမကြိုးတုပ် ပြီးစစ်ဆေးကြတယ်၊ ကျနော့် နာမည်၊ ကိုယ်ပိုင်အမှတ်၊ အဆင့်၊ လမ်းတစ်လျောက်ကြုံတွေ့ရတာကို ပြောပြမှ ကြိုးဖြေပေးတယ်၊ ဒဏ်ရာတွေကို ဆေးထည့် ၊ အဝတ်အစားတွေပေးပြီးစောင့်ရှောက်ခဲ့တယ်၊ နောက်ဆုံးတော့ ကမ်းထိုးရေယာဉ်နဲ့ စစ်တွေ အထိ ပြန်လိုက်ပို့ပြီး ရန်ကုန်က ကျနော့် မိခင်တပ်ကို ပြန်သတင်းပို့နိုင်ခဲ့တယ်။
(၂၀၂၄ ခုနှစ် ဖေဖော် ဝါရီ ၈ ရက်တွင် ကျောက်တော် မြို့၊ ကျောက်ဖြူကျေးရွာအနီး ကုလားတန် မြစ်အတွင်း ဖြစ်ပေါ်ခဲ့သော ယခုကဲ့သို့ ဆိုးဝါးပြီး ရက်စက်လှသည့် ဖြစ်စဉ်အား ပျောက်ကွယ် မသွားရအောင်ဖြစ်စဉ်အမှန် အား အတိဿယဝုတ္တိ အင်္လကာများ မပါဘဲ လိုရင်း
တိုရှင်း ဖော်ပြအပ်ပါသည်။)
Photo… AA info desk telegram
